Áleýmettik jelide "hýtor bandasy" 16 jastaǵy Sherzat Bolattyń ákesi Qarjaýbaı Nurymovty uryp ketken degen aqparat tarady. Otbasynyń advokaty Meıirman Shekeev Sherzat Nurymov bul jaıtqa qatysty pikir bildirdi, dep habarlaıdy Dalanews.kz.

Meıirman Shekeevtiń sózinshe, jelide jalǵan aqparat taraǵan. 

"Qazirgi tańda áleýmettik jelide shyndyqqa sáıkes kelmeıtin aqparattar tarap jatyr. Bári durys. Eshkim oǵan zıan keltirgen emes. Sondyqtan mundaı aqparattarǵa sene bermeńizder. Sonymen qatar, otbasyna qatysty jalǵan aqparattar tarap jatyr. Ol boıynsha da túsinikteme beretin bolamyz", - deıdi Meıirman Shekeev. 

Eske salaıyq, buǵan deıin Sherzat Bolattyń ólimine qatysty aıyptalýshy Abzal Shynasyl «Hýtor bandasymen» baılanysy jaıly jaýap bergen bolatyn. 

Sot otyrysy barysynda aıyptalýshy Abzal Shynasylǵa «Chıka» degen adam jáne «Delaıte» degen pármen týraly suraq qoıyldy.

– Men ol jaqta bolǵanda ondaı nárse bolǵan joq, – dep jaýap berdi Abzal Shynasyl.

Sondaı-aq sotta odan «Hýtor bandasymen» baılanysy týraly da suraldy.

– Men osy iske qatysty aıtqym kelgeni, BAQ-ta «Hýtor» degen bandıtter bar dep jazady. Joq, biz olarǵa eshqandaı qatysy joq qarapaıym aýyldyń balalarymyz. Nege bizdi «Hýtorskıe» dep atap júrgenin ózim de túsinbeımin, – dedi sotta aıyptalýshy.