الەۋمەتتىك جەلىدە "حۋتور بانداسى" 16 جاستاعى شەرزات بولاتتىڭ اكەسى قارجاۋباي نۇرىموۆتى ۇرىپ كەتكەن دەگەن اقپارات تارادى. وتباسىنىڭ ادۆوكاتى مەيىرمان شەكەيەۆ شەرزات نۇرىموۆ بۇل جايتقا قاتىستى پىكىر ءبىلدىردى، دەپ حابارلايدى Dalanews.kz.
مەيىرمان شەكەيەۆتىڭ سوزىنشە، جەلىدە جالعان اقپارات تاراعان.
"قازىرگى تاڭدا الەۋمەتتىك جەلىدە شىندىققا سايكەس كەلمەيتىن اقپاراتتار تاراپ جاتىر. ءبارى دۇرىس. ەشكىم وعان زيان كەلتىرگەن ەمەس. سوندىقتان مۇنداي اقپاراتتارعا سەنە بەرمەڭىزدەر. سونىمەن قاتار، وتباسىنا قاتىستى جالعان اقپاراتتار تاراپ جاتىر. ول بويىنشا دا تۇسىنىكتەمە بەرەتىن بولامىز"، - دەيدى مەيىرمان شەكەيەۆ.
ەسكە سالايىق، بۇعان دەيىن شەرزات بولاتتىڭ ولىمىنە قاتىستى ايىپتالۋشى ابزال شىناسىل «حۋتور بانداسىمەن» بايلانىسى جايلى جاۋاپ بەرگەن بولاتىن.
سوت وتىرىسى بارىسىندا ايىپتالۋشى ابزال شىناسىلعا «چيكا» دەگەن ادام جانە «دەلايتە» دەگەن پارمەن تۋرالى سۇراق قويىلدى.
– مەن ول جاقتا بولعاندا ونداي نارسە بولعان جوق، – دەپ جاۋاپ بەردى ابزال شىناسىل.
سونداي-اق سوتتا ودان «حۋتور بانداسىمەن» بايلانىسى تۋرالى دا سۇرالدى.
– مەن وسى ىسكە قاتىستى ايتقىم كەلگەنى، باق-تا «حۋتور» دەگەن بانديتتەر بار دەپ جازادى. جوق، ءبىز ولارعا ەشقانداي قاتىسى جوق قاراپايىم اۋىلدىڭ بالالارىمىز. نەگە ءبىزدى «حۋتورسكيە» دەپ اتاپ جۇرگەنىن ءوزىم دە تۇسىنبەيمىن، – دەدى سوتتا ايىپتالۋشى.
