Talǵar qalasynda ótip jatqan sot protsesinde uiymdasqan qylmystyq top qurdy dep aiyptalǵan Hasan Qasymbaevtyń qorǵaýshylary adam urlaý isin toqtatýdy surady, dep habarlaidy Dalanews.kz.
Aiyptalýshylar oryndyǵynda Hasan Qasymbaevpen birge Rýslan Aliev, Mádiyar Qalimjanov, Sailaý Aqtanov, Nurmuhammet Sultanbekov jáne Daniiar Askarov otyr. Olarǵa adam urlaý, qasaqana aýyr dene jaraqatyn salý jáne qorqytyp alý aiyptary taǵylǵan.
Jábirlenýshi – fitnes-trener ári MMA sportshysy Arman Alimov – sotta Qasymbaevty burynnan tanitynyn aitty.
«Hasanmen 2016 jyldan beri tanyspyn, qalǵandaryn tek meni urlap ketken kezde ǵana kórdim. Meniń arazdyǵym tek Hasanmen boldy, basqalarymen eshqandai qarym-qatynasym joq», – dedi ol.
Qasymbaevtyń advokaty Erlan Mendeshev sotqa isti toqtatý týraly ótinish bildirdi. Onyń aitýynsha, is júrgizý barysynda qylmystyq-protsestik zańnama óreskel buzylǵan. Qylmystyq is Qasymbaevqa qatysty 2024 jyldyń 25 qazanynda zańsyz tirkelgen, al ózge aiyptalýshylarǵa qatysty osyǵan deiin – 18 shildede «Adam urlaý» jáne «Qasaqana aýyr dene jaraqatyn salý» baptary boiynsha úkim shyǵyp, ol zańdy kúshine engen.
Al taǵy bir qorǵaýshy Maýlen Erjanovtyń sózinshe, Qasymbaevty bul is boiynsha 2021 jyldan beri birneshe márte tergegen, tipti qylmystyq qýdalaýdy toqtatý týraly qaýly da qabyldanǵan.
«Sondyqtan jańa istiń qozǵalýy zańsyz, sebebi úkimniń kúshi joiylmaǵan», – dep málimdedi ol.
