تالعار قالاسىندا ٶتٸپ جاتقان سوت پروتسەسٸندە ۇيىمداسقان قىلمىستىق توپ قۇردى دەپ ايىپتالعان حاسان قاسىمباەۆتىڭ قورعاۋشىلارى ادام ۇرلاۋ ٸسٸن توقتاتۋدى سۇرادى, دەپ حابارلايدى Dalanews.kz.
ايىپتالۋشىلار ورىندىعىندا حاسان قاسىمباەۆپەن بٸرگە رۋسلان اليەۆ, مەديyar قاليمجانوۆ, سايلاۋ اقتانوۆ, نۇرمۇحاممەت سۇلتانبەكوۆ جەنە دانييار اسكاروۆ وتىر. ولارعا ادام ۇرلاۋ, قاساقانا اۋىر دەنە جاراقاتىن سالۋ جەنە قورقىتىپ الۋ ايىپتارى تاعىلعان.
جەبٸرلەنۋشٸ – فيتنەس-ترەنەر ەرٸ مما سپورتشىسى ارمان اليموۆ – سوتتا قاسىمباەۆتى بۇرىننان تانيتىنىن ايتتى.
«حاسانمەن 2016 جىلدان بەرٸ تانىسپىن, قالعاندارىن تەك مەنٸ ۇرلاپ كەتكەن كەزدە عانا كٶردٸم. مەنٸڭ ارازدىعىم تەك حاسانمەن بولدى, باسقالارىمەن ەشقانداي قارىم-قاتىناسىم جوق», – دەدٸ ول.
قاسىمباەۆتىڭ ادۆوكاتى ەرلان مەندەشەۆ سوتقا ٸستٸ توقتاتۋ تۋرالى ٶتٸنٸش بٸلدٸردٸ. ونىڭ ايتۋىنشا, ٸس جٷرگٸزۋ بارىسىندا قىلمىستىق-پروتسەستٸك زاڭناما ٶرەسكەل بۇزىلعان. قىلمىستىق ٸس قاسىمباەۆقا قاتىستى 2024 جىلدىڭ 25 قازانىندا زاڭسىز تٸركەلگەن, ال ٶزگە ايىپتالۋشىلارعا قاتىستى وسىعان دەيٸن – 18 شٸلدەدە «ادام ۇرلاۋ» جەنە «قاساقانا اۋىر دەنە جاراقاتىن سالۋ» باپتارى بويىنشا ٷكٸم شىعىپ, ول زاڭدى كٷشٸنە ەنگەن.
ال تاعى بٸر قورعاۋشى ماۋلەن ەرجانوۆتىڭ سٶزٸنشە, قاسىمباەۆتى بۇل ٸس بويىنشا 2021 جىلدان بەرٸ بٸرنەشە مەرتە تەرگەگەن, تٸپتٸ قىلمىستىق قۋدالاۋدى توقتاتۋ تۋرالى قاۋلى دا قابىلدانعان.
«سوندىقتان جاڭا ٸستٸڭ قوزعالۋى زاڭسىز, سەبەبٸ ٷكٸمنٸڭ كٷشٸ جويىلماعان», – دەپ مەلٸمدەدٸ ول.
