Saiasatker Ermuhamet Ertisbaev pen azamattyq belsendi Jarqyn Kúrentaev Talǵarda ustalǵan Hasan Qasymbaevtyń beton zaýyt ustaýynan kúmándi faktterdi anyqtady,- dep habarlaidy Dalanews.kz Qaz365.kz-ke siltep.
«Hasan kásipker retinde tirkelgen. Onyń beton zaýyty bar. Osydan keiin eń qyzyǵy bastalady», - deidi Ermuhamet Ertisbaev.
Kúrentaevtiń aitýynsha, Talǵar aýdany Keńdala aýyldyq okrýginde óte úlken, massivti karerler bar. Onda usaq tas, qum – qatty paidaly qazbalar qazylady.
«Meniń qolymda Ónerkásip jáne qurylys ministrliginiń haty bar. Onda «ministrliktiń jer qoinaýyn paidalanýshylar reestrine sáikes, Almaty oblysy Talǵar aýdany Keńdala aýyldyq okrýgi aýmaǵynda qatty paidaly qazbalardy barlaýǵa nemese óndirý quqyǵy eshkimde joq» dep jazylǵan. Muny ministrlik jazyp otyr. Al biz Talǵarda qanshama karer baryn bilemiz. Soǵan qaramastan Hasan Qasymbaev myrzada beton zaýyt bar. Iaǵni, Talǵar aýdanynda fakt jaǵynan karerler bar. Ministrlik ol jaqta joq deidi. Ol sonda shikizatty qaidan alady?» - dep surady Jarqyn Kúrentaev.
Eske salaiyq, Hasan Qasymbaevtyń ózi eki aiǵa qamaýǵa alynǵan bolatyn.
Keiin politsiia málimdeme jasap, Hasan Qasymbaevtyń ustalýy - Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol azamat Arman Alimovti urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyldyń maýsymynda bolǵan.
"Qazirgi ýaqytta qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý áreketteriniń kesheni júrgizilip jatyr. Is materialdary bultartpaý sharasyn sanktsiialaý úshin sotqa jiberildi", - dedi buǵan deiin Almaty oblystyq PD ókilderi.
Ermuhamet Ertisbaev aǵasy ákimdikte jumys istegen aýdanda Hasan Qasymbaevtyń tabysqa qalai kenelgenin quqyq qorǵaý organdary tekserýi kerek dep málimdedi.
