Hasan Qasymbaev 12 jylǵa sottaldy, dep habarlaidy Dalanews.kz Orda.kz-ke siltep.
Ony «Hýtor» uiymdasqan qylmystyq tobynyń basshysy dep ataidy. Aiyptaý tarapy Qasymbaev pen onyń sybailastary adamdardy urlap, aýyr dene jaraqatyn salyp, aqsha bopsalaýmen ainalysqan top bolǵanyn alǵa tartady.
Aiyptaýdyń nusqasy boiynsha, birneshe epizod bolǵan. Birinshi epizod kásipker Aiýbjan Tájievke qatysty. Tergeý málimetinshe, 2016 jyly ony aldap kóshege shyǵaryp, soqqyǵa jyǵyp, odan bir million teńge talap etken.
Ekinshi epizod 2021 jyly bolǵan. MMA sportshysy Arman Álimovtyń aitýynsha, ony Hasannyń «bandasy» urlap, aiaýsyz uryp-soqqan.
Bul is boiynsha Qasymbaevpen birge taǵy bes er adam sottalýda. Olardyń bári sotta aiyptaýlardyń qoldan jasalǵanyn aitty. Soǵan qaramastan, prokýror Hasanǵa 15 jyl, qalǵandarǵa toǵyz jyl túrme surady.
Sýdia Ainagúl Tuqbaeva «hýtorlyqtardyń» lideri delingen Qasymbaevty 12 jylǵa koloniiaǵa qamaý týraly úkim shyǵardy.
Keshe Hasannyń týystary úkim ádil bolmasa, ózderin órtep jiberetinin málimdegen.
Jýrnalister Hasan isi boiynsha sot protsesin baqylaý barysynda qandai qiyndyqtarǵa tap bolǵany jaily materialdy osy jerden oqi alasyz. Al istiń tolyq tarihyn repleiler tizbeginen kóre alasyz.
