Kezdesýde aımaq basshysy Túrkistan qalasynyń damýy Elbasynyń erekshe nazarynda ekenin jáne munda qurylys jumystarymen aınalysatyn merdiger kompanıalarǵa ákimdik tarapynan barynsha qoldaý kórsetiletinin aıtty.
– Memleket basshysynyń tapsyrmasymen oblys ortalyǵyn erekshe úlgide qalyptastyrýdy kózdep otyrmyz. Sondyqtan munda salynatyn árbir ǵımarattyń sáýleti men sánine erekshe mán berilýde. Búginde tıisti jumystar atqarylýda. Atap aıtsaq, «Rıksos» qonaqúıi men ákimshilik ortalyqtyń kapsýlasy salyndy. Osy rette, sizderdiń de osynda zamanaýı úlgidegi turǵyn úı keshenin salatyndaryńyzǵa úlken senim bildiremin. Al, qurylys jumystary júrgiziletin aýmaqtaǵy barlyq ınfraqurylym máseleleri ákimdik tarapynan óz sheshimin tabatyn bolady. «High Vill Kazakhstan» seriktestigi – ázirge qalamyzda turǵyn úı keshenin salatyn birinshi jáne jalǵyz kompanıa. Aıta keterligi, qurylys jumystaryn meılinshe erte bastap, 1 jyldyń ishinde aıaqtaý kerek, – dedi Janseıit Qanseıituly.
Óz kezeginde Kang Djon De turǵyn úı keshenin salý úshin jer ýchaskesi anyqtalsa, qurylysty bastap ketýge daıyn ekenin jetkizdi.
– Biz 5-10 gektarǵa aýmaqqa jańa zamanaýı keshen salýdy josparlap otyrmyz. Bul joba oblys ortalyǵynyń jańa kelbetine kórik beretin bolady. Jýyq arada barlyq qujattamany ázirlep, qurylys jumystaryna kirisemiz, – dedi ol.
Túrkistan oblysy ákiminiń baspasóz qyzmeti
