Adam urlaý, soqqyǵa jyǵý jáne qorqytyp aqsha alý isi boıynsha aıyptalǵan, BAQ-ta «Hýtorskıe» UQT jetekshisi dep atalǵan Hasan Qasymbaev sotta óz kinásin moıyndamady, dep habarlaıdy Dalanews.kz.

Prokýror Hasan Qasymbaevqa qatysty aıyptaý aktisin oqyp shyqqannan keıin sýdıa Aınagúl Tukýbaeva aıyptalýshylardan aıyppen kelisesizder me dep surady.

«Men óz kinámdi múlde moıyndamaımyn», – dep jaýap berdi Qasymbaev.

Rýslan Alıev buzaqylyqty moıyndaǵanymen, qalǵan aıyptardy joqqa shyǵardy.
Madıar Kalımjanov ta buzaqylyq boıynsha kinásin jartylaı moıyndap, ózge aıyptarmen kelispeıtinin aıtty.

Saılaý Aqjanov kinásin moıyndamady.

Danıar Asqarov ta tolyqtaı kinásin joqqa shyǵardy.

Nurmuhammet Sultanbekov te kinásin moıyndamady.

Buǵan deıin sotta prokýror Erlan Qulanbaev aıyptaý aktisin jarıalap, onda adam urlaý, qasaqana aýyr dene jaraqatyn salý (jábirlenýshi – MMA sportshysy ári jattyqtyrýshy Arman Álimov) jáne qorqytyp aqsha alý (jábirlenýshi – Arıpjan Tájiev) derekteri baıandalǵan bolatyn.

Keıin prokýror Arman Álimovtiń soqqydan alǵan jaraqattaryna qatysty sot-medısınalyq saraptama qorytyndysyn jarıa etti.