Halyq aýzynda "Hýtorlyqtar" qylmystyq toby dep tanylyp ketkenderdiń "basshysy" sanalatyn Hasan Qasymbaev soqqyǵa jyqty degen Arman Alimovtiń de birneshe qylmystyq iske qatysy bar bolyp shyqty, - dep habarlaidy Dalanews.kz Sona.kz portalyna siltep.
Basylym málimetinshe, Alimovtiń ózi birneshe ret tártip saqshylarynyń kózine túsip, isti bolǵan.
№1 oqiǵa: Arman Alimov alǵash 2008 jyly isti bolǵan. Ol tonaýǵa qatysty qylmystyq iste figýrant. Sol jyly Alimovpen birge birneshe adam «Biýtimaniia» jáne «Frantsýzskii dom» dúkender jelisiniń ekspeditor-júrgizýshisin tonaǵan. Arman Alimov júrgizýshini gaz ballonymen qorqytyp, 9 021 850 teńgeni jymqyrǵan.
2008 jyly Almatyda bolǵan bul qylmysty Arman Alimov aldyn ala josparlaǵan. Artynsha ol kólikte kútip otyrǵan tanysy Mamyrqanovqa barǵan. Ekeýi Talǵarǵa betteidi. Jolai Serik Saǵynaev atty taǵy bir tanystaryn ala ketedi. Kólikte Alimov qalǵan eki tanysyna dúkenniń júrgizýshisin tonaǵanyn aitady. Osylaisha Mamyrqanov pen Saǵynaev bul qylmys týraly jaq ashpasyn dep 1 million teńge jáne 500 myń teńgeden ustatady.
Mamyrqanov sot otyrysy kezinde Alimovty Almatyǵa ákelip, Qazybek bi kóshesinde kútkenin, artynsha Arman Alimov sómkemen kelip, ekeýi Talǵarǵa júrip ketkenin, úsheýi jymqyrǵan aqshany jeke qajettilikterine jumsaǵanyn aitqan.
Sotta Arman Alimov jasaǵan qylmysyn tolyq moiyndaǵan. Ol bul qylmysty qalai jasaǵanyn túgel baiandap, tergeý barysynda anyqtalǵan nárselerdi túgel moiyndaǵan.
Jeke ómirindegi janjal
Arman Alimovke qatysty taǵy bir is - jeke ómirine qatysty bolǵan. Ol 2020 jyldyń qarashasynda mas kúide burynǵy súiiktisi Elegenovanyń Talǵardaǵy úiine kelgen. Alimov janjal shyǵaryp, jihazdaryn qiratyp, soqqyǵa jyǵamyn dep qorqytqan. Artynsha Arman Alimovke qatysty ákimshilik is qozǵalǵan.
Alaida sot otyrysy kezinde Elegenova Alimovpen tatýlasqanyn, sondyqtan qylmystyq isti toqtatýdy suraǵan. Osylaisha Alimov jaýapkershilikten bosatylǵan.
Arman Alimovtiń aty budan keiin de qylmystyq isterde jariia bolyp júrdi. Mysaly onyń zorlyq pen qoqan-loqyǵa qatysty isterge qatysy bary aitylǵan. Sonymen qatar, Alimovtiń Almatydaǵy qylmystyq toptarǵa qatysy bolýy múmkin.
Sondyqtan "erejesiz jekpe jek jattyqtyrýshysynyń" tek sportqa ǵana emes, qylmys álemine de qatysy bar bolyp shyqqan.
Eske salaiyq,Hasan Qasymbaevtyń ózi eki aiǵa qamaýǵa alynǵan bolatyn.
Keiin politsiia málimdeme jasap, Hasan Qasymbaevtyń ustalýy - Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol azamat A.-ny urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyldyń maýsymynda bolǵan.
"Qazirgi ýaqytta qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý áreketteriniń kesheni júrgizilip jatyr. Is materialdary bultartpaý sharasyn sanktsiialaý úshin sotqa jiberildi", - dedi buǵan deiin Almaty oblystyq PD ókilderi.
