Almaty oblysynyń Raiymbek aýdanynda Baqqoja Muqai atyndaǵy aýdandyq mádeniet úiinde aýdannan shyqqan belgili sport maitalmandarynyń qatysýymen forým ótti, dep habarlaidy Dalanews.kz
Forýmǵa KSRO kýbogynyń iegeri, KSRO halyqtary spartakiadasynyń kúmis júldegeri, KSRO jáne TMD birinshiliginiń qola júldegeri, Aziia chempiony, Shyǵys jáne Ortalyq Aziia oiyndarynyń eki dúrkin jeńimpazy, Aziia kýbogynyń tórt dúrkin iegeri, Aziia oiyndarynyń jeńimpazy, sondai-aq Olimpiada oiyndary men Álem chempionatynyń qola júldegeri Máýlen Satymbaiuly Mamyrov, Kikboksingten evropanyń eki dúrkin chempiony Elmurat Qaiypjanov, qol kúrestiń has sheberi, álem chempionattarynyń birneshe dúrkin júldegeri Beregen Spataev, qazaq kúresinen halyqaralyq dárejedegi sport sheberi, qazaq kúresi men dziýdo kúresinen eńbek sińirgen jattyqtyrýshy Erkin Muqashuly Saidaqov, qazaq kúresinen sport sheberi, «Túie palýan» Jangeldi Hamitov Amankeldiuly, ziltemirshi, álem chempiony Jasulan Qydyrbaev, Qazaqstannyń «Temir adamy» atanǵan Timýr Spataev, boksshy, jastar arasynda úsh dúrkin Aziia chempiony, eki dúrkin Álem chempiony, Álem kýboginiń eki dúrkin qola júldegeri Tolǵanai Qasymhan syndy sport maitalmandary men sańlaqtary qatysty.
Forýmnyń maqsaty, óskeleń urpaqqa aýdannan shyqqan sport maitalmandarynyń jetken jetistikterin nasihattaý.
Atalǵan shara aýdanymyzdyń sporttyq áleýetin nyǵaityp, jańa chempiondar legin daiyndaýǵa yqpal etetin mańyzdy shara boldy.
