«AMANAT» partiiasynyń Atqarýshy hatshysy Ashat Oralov atap ótkendei, kúni keshe saiasi partiialar men respýblikalyq uiymdardyń ókilderi Qasym-Jomart Toqaevty qoldaý jónindegi Halyqtyq koalitsiia qurdy.
– Bul úrdis «AMANAT» partiiasynyń jańa Saiasi tuǵyrnamasyndaǵy ideologiiaǵa sai. Sonymen qatar, bul «Túrli kózqaras – birtutas ult» degen qaǵidanyń aiqyn kórinisi. Halyqtyq koalitsiia bolyp birigip Prezidentti usynýymyz saiasi mádenietimiz ben saiasi júiemizdiń joǵary deńgeiin kórsetedi. Halyqtyq koalitsiianyń forýmynda Prezident bizdiń usynysymyzdy qabyl aldy. Sondyqtan búgin koalitsiia músheleri birlesip, Qasym-Jomart Kemelulyn kandidat retinde tirkeý qujattaryn Ortalyq sailaý komissiiasyna tapsyrdyq, – dedi Ashat Oralov.
«Qazaqstan máslihattary depýtattarynyń birlestigi» RQB tóraǵasy Tóleýbek Muqashevtyń aitýynsha, Halyqtyq koalitsiia – bul qoǵamdyq toptasýdyń jańa deńgeiiniń kórsetkishi, yntymaqtastyqtyń jarqyn úlgisi.
– Referendým barysynda da qoǵamdyq shtab Toqaevtyń saiasi reformalarynyń barlyq jaqtasyn biriktirdi. Sol kezdegidei, biz qazir birtutas komanda retinde áreket etemiz. Biz Qasym-Jomart Kemelulynyń kandidatýrasyn kórnekti saiasi memleket qairatkeri retinde usyndyq, bul jalpyhalyqtyq tańdaý, – dedi ol.
«Men úshin bul óte mańyzdy oqiǵa. Óitkeni Halyqtyq koalitsiia birigip áreket etedi. Yntymaqtastyq árqashan ózekti. Biz bir-birimizdiń tájiribemizdi qabyldap, ortaq maqsatqa jete alamyz», – dedi ol.
Tirkeýge qajetti qujattar toptamasyn «AMANAT» partiiasy, Qazaqstan Halyq partiiasy, «Aq jol» Qazaqstan demokratiialyq partiiasy, «Ardagerler uiymy», «QAZAQSTAN TEAM», «Qazaqstan máslihattary depýtattarynyń birlestigi», «Generaldar keńesi», «Qazaqstandyq sportshylar odaǵy» usyndy.
