«AMANAT» پارتياسىنىڭ اتقارۋشى حاتشىسى اسحات ورالوۆ اتاپ وتكەندەي، كۇنى كەشە ساياسي پارتيالار مەن رەسپۋبليكالىق ۇيىمداردىڭ وكىلدەرى قاسىم-جومارت توقايەۆتى قولداۋ جونىندەگى حالىقتىق كواليسيا قۇردى.
– بۇل ءۇردىس «AMANAT» پارتياسىنىڭ جاڭا ساياسي تۇعىرناماسىنداعى يدەولوگياعا ساي. سونىمەن قاتار، بۇل «ءتۇرلى كوزقاراس – ءبىرتۇتاس ۇلت» دەگەن قاعيدانىڭ ايقىن كورىنىسى. حالىقتىق كواليسيا بولىپ بىرىگىپ پرەزيدەنتتى ۇسىنۋىمىز ساياسي مادەنيەتىمىز بەن ساياسي جۇيەمىزدىڭ جوعارى دەڭگەيىن كورسەتەدى. حالىقتىق كواليسيانىڭ فورۋمىندا پرەزيدەنت ءبىزدىڭ ۇسىنىسىمىزدى قابىل الدى. سوندىقتان بۇگىن كواليسيا مۇشەلەرى بىرلەسىپ، قاسىم-جومارت كەمەلۇلىن كانديدات رەتىندە تىركەۋ قۇجاتتارىن ورتالىق سايلاۋ كوميسسياسىنا تاپسىردىق، – دەدى اسحات ورالوۆ.
«قازاقستان ءماسليحاتتارى دەپۋتاتتارىنىڭ بىرلەستىگى» رقب ءتوراعاسى تولەۋبەك مۇقاشيەۆتىڭ ايتۋىنشا، حالىقتىق كواليسيا – بۇل قوعامدىق توپتاسۋدىڭ جاڭا دەڭگەيىنىڭ كورسەتكىشى، ىنتىماقتاستىقتىڭ جارقىن ۇلگىسى.
– رەفەرەندۋم بارىسىندا دا قوعامدىق شتاب توقايەۆتىڭ ساياسي رەفورمالارىنىڭ بارلىق جاقتاسىن بىرىكتىردى. سول كەزدەگىدەي، ءبىز ءقازىر ءبىرتۇتاس كوماندا رەتىندە ارەكەت ەتەمىز. ءبىز قاسىم-جومارت كەمەل ۇلىنىڭ كانديداتۋراسىن كورنەكتى ساياسي مەملەكەت قايراتكەرى رەتىندە ۇسىندىق، بۇل جالپىحالىقتىق تاڭداۋ، – دەدى ول.
ءوز كەزەگىندە «QAZAQSTAN TEAM» رەسپۋبليكالىق قوعامدىق جاستار بىرلەستىگىنىڭ ءتوراعاسى ولجاس سۇلەيمەنوۆ ورتالىق سايلاۋ كوميسسياسىنا قۇجاتتاردى تاپسىرۋ – بولاشاق سايلاۋ ناۋقانىن باستايتىن ماڭىزدى قادام ەكەنىن اتاپ ءوتتى.
«مەن ءۇشىن بۇل وتە ماڭىزدى وقيعا. ويتكەنى حالىقتىق كواليسيا بىرىگىپ ارەكەت ەتەدى. ىنتىماقتاستىق ءارقاشان وزەكتى. ءبىز ءبىر-بىرىمىزدىڭ تاجىريبەمىزدى قابىلداپ، ورتاق ماقساتقا جەتە الامىز»، – دەدى ول.
تىركەۋگە قاجەتتى قۇجاتتار توپتاماسىن «AMANAT» پارتياسى، قازاقستان حالىق پارتياسى، «اق جول» قازاقستان دەموكراتيالىق پارتياسى، «ارداگەرلەر ۇيىمى»، «QAZAQSTAN TEAM»، «قازاقستان ءماسليحاتتارى دەپۋتاتتارىنىڭ بىرلەستىگى»، «گەنەرالدار كەڭەسى»، «قازاقستاندىق سپورتشىلار وداعى» ۇسىندى.
