Pavlodar turǵyndary qala joldaryndaǵy shalshyqtyń ústine asfalt tóselip jatqanyn synady, dep habarlaidy Dalanews.kz.
Turǵyndardyń shaǵymy áleýmettik jelide jariialandy. "Halyqtyń aqshasyn bosqa shashyp jatqanǵa uqsaidy", - delingen video jazbasynda.
"Shuńqyrdyń ishi sýǵa tolǵan. 25 naýryz. Asfaltti shalshyqtyń ústine tósep jatyr. Osyndai jóndeý kerek pe ózi?" - deidi ashynǵan turǵyndardyń biri.
Jeli qoldanýshylary bul kóriniske naryzylyq bildirgen:
"Bassyzdyq", "Pavlodar ákimdigi mundai jaǵdaiǵa pikir bildirýge uialatyn bolar", "Jańa tehnologiia, mundai bizde ǵana bar".
Aita keteiik, mindetin tiisinshe atqarmaǵany úshin tehnikalyq jáne avtorlyq qadaǵalaý ókilderi qylmystyq jaýapkershilikke tartylady.
Eske salaiyq, buǵan deiin, 25 naýryzda, Pavlodarda joldar sý astynda qalǵany habarlandy.
