Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Halyqtyń 75,9%-y Ata Zańǵa túzetýler engizýdi qoldaidy – Qoǵamdyq saiasat institýty

Dalanews
Halyqtyń 75,9%-y Ata Zańǵa túzetýler engizýdi qoldaidy – Qoǵamdyq saiasat institýty
Qazaqstandyqtardyń 75,9%-y Konstitýtsiiaǵa engiziletin ózgertýler men tolyqtyrýlardy qoldaýǵa daiyn. «AMANAT» partiiasy janyndaǵy Qoǵamdyq saiasat institýty «Áleýmet» jobasy aiasynda júrgizilgen «Referendum: Halyq üni» zertteýiniń qorytyndysyn jariialady, – dep habarlaidy Dalanews.kz.

Qazaqstandyqtardyń 67,9% Konstitýtsiialyq reforma eldiń damýyna oń áser etedi dep esepteidi. Sonymen, áleýmettik derekterge sáikes, azamattardyń kópshiligi qoldanystaǵy QR Konstitýtsiiasyn ózgertý boiynsha referendým ótkizýge oń kózqaras tanytyp otyr. Atap aitqanda, qazaqstandyqtar mynalardy qoldaidy:

  • azamattardyń quqyqtaryn qorǵaý tetikterin kúsheitý – 80,1%

  • halyqtyń eldi basqarý isine aralasýyn keńeitý – 76,8%,

  • sýperprezidenttik modelden prezidenttik respýblikaǵa túpkilikti kóshý – 73,5%,

  • bilik tarmaqtary arasyndaǵy ókilettikterdi qaita bólý – 72,3%,

  • Parlamenttiń rólin kúsheitý jáne mártebesin arttyrý – 64,4%.


– Qazaqstandyqtardyń 67,9%-y Konstitýtsiiaǵa ózgerister men tolyqtyrýlar engizý boiynsha referendým ótkizý eldiń damýyna oń áser etedi dep sanaidy. 5 maýsymda sailaý ýchaskelerine azamattardyń úshten ekisi kelmek, – dep atap ótti partiia hatshysy Dáýlet Káribek.

Qoǵamdyq saiasat institýtynyń direktory Mádina Nurǵalievanyń aitýynsha, halyqtyń ózgeristerge degen suranysy turaqty túrde týyndap otyr.

– Sońǵy áleýmettik zertteýlerdiń nátijesi qazirgi qoǵamdyq-saiasi úderisterdiń oń baǵalanatynyn kórsetedi. Azamattardyń 87,5%-y belgili bir dárejede el ómirindegi ózgeristerdi qalaidy. Suralǵandardyń 55,4%-y belsendi azamattyq ustanymǵa ie. Zertteýge elimizdiń barlyq óńirinen 1700-den astam respondent qatysty, – dedi Mádina Nurǵalieva.


Aita keteiik, júieli áleýmettanýdy qalyptastyrý maqsatynda «Áleýmet» jobasy aiasynda turaqty negizde zertteýler júrgiziledi. Al olardyń nátijeleri institýttyń @SocioExpert telegram arnasynda jariialanady.

– Áleýmettik zertteýlerdiń kómegimen partiia qoǵamdyq pikir skriningin júrgizip, tiimdilikti arttyrý úshin ony óz jumysynyń barysynda eskeredi. Biz qoǵamdyq pikirdi eskerip, onymen sanasamyz. Bul jumystyń barlyǵy Qasym-Jomart Toqaevtyń «Halyq únine qulaq asatyn memleket» tujyrymdamasynyń mánine tolyq sáikes keledi, – dedi Dáýlet Káribek.

Óz kezeginde «AMANAT» partiiasynyń atynan sailanǵan depýtat Saiasat Nurbek partiianyń úgit naýqany týraly aitty. Halyq qalaýlylary aimaq turǵyndarymen myńǵa jýyq kezdesý ótkizdi. Al is-sharalarǵa barlyǵy 220 myńnan astam adam qatysqan.

Sonymen qatar, úgit naýqany aiasynda partiialyqtar qazaqstandyqtardyń usynystaryn jinaýǵa baǵyttalǵan respýblikalyq aktsiiany bastady. Úgit naýqany bastalǵannan beri 4,5 myńnan astam talap-tilek kelip tústi. Olardyń arasynda áleýmettik jáne saiasi sipattaǵy usynystar men ótinishter basym.

Al qoldanbaly etnosaiasi zertteýler institýty direktorynyń orynbasary Aigúl Sádýaqasova referendým ótkizýdiń halyqaralyq tájiribesimen bólisti.
referendým Konstitýtsiia Qasym-Jomart Toqaev Amanat Dáýlet Káribek Áleýmet Mádina Nurǵalieva Madina Sádýaqasova

Oqi otyryńyz