قازاقستاندىقتاردىڭ 67،9% كونستيتۋسيالىق رەفورما ەلدىڭ دامۋىنا وڭ اسەر ەتەدى دەپ ەسەپتەيدى. سونىمەن، الەۋمەتتىك دەرەكتەرگە سايكەس، ازاماتتاردىڭ كوپشىلىگى قولدانىستاعى ق ر كونستيتۋسياسىن وزگەرتۋ بويىنشا رەفەرەندۋم وتكىزۋگە وڭ كوزقاراس تانىتىپ وتىر. اتاپ ايتقاندا، قازاقستاندىقتار مىنالاردى قولدايدى:
- ازاماتتاردىڭ قۇقىقتارىن قورعاۋ تەتىكتەرىن كۇشەيتۋ – 80،1%
- حالىقتىڭ ەلدى باسقارۋ ىسىنە ارالاسۋىن كەڭەيتۋ – 76،8%،
- سۋپەرپرەزيدەنتتىك مودەلدەن پرەزيدەنتتىك رەسپۋبليكاعا تۇپكىلىكتى كوشۋ – 73،5%،
- بيلىك تارماقتارى اراسىنداعى وكىلەتتىكتەردى قايتا ءبولۋ – 72،3%،
- پارلامەنتتىڭ ءرولىن كۇشەيتۋ جانە مارتەبەسىن ارتتىرۋ – 64،4%.
– قازاقستاندىقتاردىڭ 67،9%-ى كونستيتۋسياعا وزگەرىستەر مەن تولىقتىرۋلار ەنگىزۋ بويىنشا رەفەرەندۋم وتكىزۋ ەلدىڭ دامۋىنا وڭ اسەر ەتەدى دەپ سانايدى. 5 ماۋسىمدا سايلاۋ ۋچاسكەلەرىنە ازاماتتاردىڭ ۇشتەن ەكىسى كەلمەك، – دەپ اتاپ ءوتتى پارتيا حاتشىسى داۋلەت كارىبەك.
قوعامدىق ساياسات ينستيتۋتىنىڭ ديرەكتورى ءمادينا نۇرعالييەۆانىڭ ايتۋىنشا، حالىقتىڭ وزگەرىستەرگە دەگەن سۇرانىسى تۇراقتى تۇردە تۋىنداپ وتىر.
– سوڭعى الەۋمەتتىك زەرتتەۋلەردىڭ ناتيجەسى قازىرگى قوعامدىق-ساياسي ۇدەرىستەردىڭ وڭ باعالاناتىنىن كورسەتەدى. ازاماتتاردىڭ 87،5%-ى بەلگىلى ءبىر دارەجەدە ەل ومىرىندەگى وزگەرىستەردى قالايدى. سۇرالعانداردىڭ 55،4%-ى بەلسەندى ازاماتتىق ۇستانىمعا يە. زەرتتەۋگە ەلىمىزدىڭ بارلىق وڭىرىنەن 1700-دەن استام رەسپوندەنت قاتىستى، – دەدى ءمادينا نۇرعالييەۆا.
ايتا كەتەيىك، جۇيەلى الەۋمەتتانۋدى قالىپتاستىرۋ ماقساتىندا «الەۋمەت» جوباسى اياسىندا تۇراقتى نەگىزدە زەرتتەۋلەر جۇرگىزىلەدى. ال ولاردىڭ ناتيجەلەرى ينستيتۋتتىڭ @SocioExpert telegram ارناسىندا جاريالانادى.
– الەۋمەتتىك زەرتتەۋلەردىڭ كومەگىمەن پارتيا قوعامدىق پىكىر سكرينينگىن جۇرگىزىپ، تيىمدىلىكتى ارتتىرۋ ءۇشىن ونى ءوز جۇمىسىنىڭ بارىسىندا ەسكەرەدى. ءبىز قوعامدىق پىكىردى ەسكەرىپ، ونىمەن ساناسامىز. بۇل جۇمىستىڭ بارلىعى قاسىم-جومارت توقايەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىنىڭ مانىنە تولىق سايكەس كەلەدى، – دەدى داۋلەت كارىبەك.
ءوز كەزەگىندە «AMANAT» پارتياسىنىڭ اتىنان سايلانعان دەپۋتات ساياسات نۇربەك پارتيانىڭ ۇگىت ناۋقانى تۋرالى ايتتى. حالىق قالاۋلىلارى ايماق تۇرعىندارىمەن مىڭعا جۋىق كەزدەسۋ وتكىزدى. ال ءىس-شارالارعا بارلىعى 220 مىڭنان استام ادام قاتىسقان.
سونىمەن قاتار، ۇگىت ناۋقانى اياسىندا پارتيالىقتار قازاقستاندىقتاردىڭ ۇسىنىستارىن جيناۋعا باعىتتالعان رەسپۋبليكالىق اكسيانى باستادى. ۇگىت ناۋقانى باستالعاننان بەرى 4،5 مىڭنان استام تالاپ-تىلەك كەلىپ ءتۇستى. ولاردىڭ اراسىندا الەۋمەتتىك جانە ساياسي سيپاتتاعى ۇسىنىستار مەن وتىنىشتەر باسىم.
ال قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى ايگۇل ءسادۋاقاسوۆا رەفەرەندۋم وتكىزۋدىڭ حالىقارالىق تاجىريبەسىمەن ءبولىستى.
