Halyqqa kómek qolyn sozatyn «Qazaqstan halqyna» qory quryldy
Qor kelesi mindetterdi oryndaityn bolady:
- Qazaqstan Respýblikasynyń halqyna densaýlyq saqtaý, bilim berý jáne áleýmettik qoldaý, mádeniet jáne sport salalarynda memlekettik qoldaý sharalarynan tys qosymsha qamtamasyz etý máseleleri boiynsha qaiyrymdylyq kómek kórsetý;
- tótenshe jaǵdailar kezinde jáne tótenshe jaǵdai rejimin engizý kezinde Qazaqstan Respýblikasynyń zardap shekken halqyna kómek kórsetý;
- halyqtyń áleýmettik osal toptary jáne osal top balalaryna sporttyq infraqurylymnyń damýy jáne qoljetimdiligin arttyrý boiynsha járdemdesý;
- Qazaqstan Respýblikasynyń aýmaqtyq tutastyǵy men qaýipsizdigin qorǵaý kezinde qaza tapqan quqyq qorǵaý organdary, arnaiy organdar qyzmetkerleriniń, áskeri qyzmetshilerdiń otbasylaryna jáne basqa da kómekke muqtaj jandarǵa qol ushyn sozý, qoldaý;
- Qor qyzmetiniń basqa baǵyttary boiynsha qaiyrymdylyq kómek kórsetý. Qordy qarjylandyrý jeke kózderden, halyqaralyq qaiyrymdylyq uiymdarynyń qarajatynan, lotereia qyzmeti operatorynyń, stavkalardy esepke alý ortalyǵynyń jáne basqa da monopolisterdiń mindetti aýdarymdarynan, iri biznes tarapynan turaqty aýdarymdarynan, qaiyrymdylyqqa, onyń ishinde kvazimemlekettik sektorǵa arnalǵan qarajattan júzege asyrylatyn bolady.
Qordyń Qamqorshylyq keńesi «Qazaqstan halqyna» biraýyzdan QÁQ tóraǵasy qyzmetine Bolat Jámishevtiń kandidatýrasyn usynyp, qoldady.
«Qazaqstan halqyna» QÁQ-nyń joǵary basqarý organy retinde Qorǵa qatysýshylardyń jalpy jinalysy, baqylaýshy organ retinde Qamqorshylyq keńes, atqarýshy organ bolyp Basqarma jáne baqylaýshy organ bolyp Tekserý komissiiasy taǵaiyndalady.
Biznes-qoǵamdastyqtyń ókilderi men kómek retinde qol ushyn sozǵysy keletin azamattar «Qazaqstan halqyna» Qorynyń shotyna kelesi rekvizitter boiynsha qarajat aýdara alady: «Qazaqstan halqyna» Qoǵamdyq Qory, JSN/BSN: 220140006999, Kbe 18, KZ97601A871001692501 KZT, «Qazaqstan Halyq Banki» AQ.
