Búgin Halyqaralyq «Uly dala joryǵy» marafon-báigesi bastaldy. Soltústik Qazaqstan oblysy, Aiyrtaý aýdany, Botai qonysymen Astana arasyn jalǵaityn joryq, 500 shaqyrymdy quraidy. Oǵan shet memleketterden 8 komanda qatysyp jatyr. Otandyq komandalardyń sany 9.
«Amanat» partiiasynyń hatshysy Erjan Jylqybaev Halyqaralyq «Uly dala joryǵynyń» ashylý salatanatynda sóz alyp, QR Parlamenti Májilisiniń Tóraǵasy, «Amanat» partiiasynyń Tóraǵasy Erlan Qoshanovtyń quttyqtaý hatyn oqyp berdi.
«Uly dala tósinde ótetin kóshpendilerdiń ulan-asyr merekesiniń basy – osy «Uly dala joryǵy» marafon-báigesinen bastalady», – delingen hatta.
Bul joryqqa Ońtústik Afrika, Iran, Túrkiia, Qyrǵyzstan, Qarashai-Sherkesh, Qabardin-Balqar, Tatarstan, Majarstan elinen kelgen komandalar qatysyp jatyr.
El namysyn Mańǵystaý oblysynyń qos komandasy, Jetisý oblysy, Almaty qalasy, Jambyl, Aqmola, Qostanai, Shyǵys Qazaqstan, Aqtóbe oblysynyń komandalary qorǵaidy.
Tuńǵysh ret ótip jatqan joryqqa elimizden qos birdei qyzdar komandasy qatysýda. Biri Mańǵystaýdan kelgen «Sýyn» komandasy bolsa, ekinshisi Aqmola oblysynyń «Tomiris» komandasy. Aqmolanyń arýlary buǵan deiin respýblikalyq marafon-báigege qatysqan, tájiribe jinaǵan.
Halyqaralyq «Uly dala joryǵyn» uiymdastyrýshylar bul joly qazaqy tuqymdarǵa erekshe mán berdi. Sol sebepten Adai, Naiman, Kóshim, Áýlie ata, Qostanai, Jetisý arǵymaǵy tuqymdary osy jarysqa qatysyp jatyr.
Saltanatty sharada sóz sóilegen Ulttyq sport qaýymdastyǵynyń prezidenti Islambek Saljanov, bul Joryq órkeniettiń tal besigi Botaidan bastalýyna erekshe toqtaldy. «Sebebi Botai eń alǵash jylqy qolǵa úiretilgen jer. Sol sebepti tarihi mekenniń mańyzy osyndaǵy barsha qatysýshylarǵa qundy dep esepteimin»,-dedi.
Halyqaralyq «Uly dala joryǵy» marafon-báigesi Astanada ótetin 5-shi Dúniejúzilik kóshpendiler oiyndarynyń bastaýy boldy.
Eske sala keteiik, Respýblikalyq «JORYQ» at sporty federatsiiasy Qazaqstan Respýblikasy Ulttyq sport qaýymdastyǵynyń quramyna kiredi. Qaýymdastyq quramynda budan ózge «Kókpar», «Báige», «Sadaq atý», «Teńge ilý», «Aýdaryspaq», «Jamby atý», «Qusbegilik», «Asyq atý» jáne t.b. federatsiialar bar. QR Ulttyq sport qaýymdastyǵyn Islambek Saljanov basqarady.
Atap óteiik, 8-13 qyrkúiekte Astana qalasynda 5-shi Dúniejúzilik kóshpendiler oiyndary ótedi. Is-sharaǵa 89 elden 2000-nan astam sportshy qatysady dep josparlanýda. 5-shi Dúniejúzilik kóshpendiler oiyndarynyń Bas demeýshisi – ALAGEUM ELECTRIC, Oiyndardyń Bas seriktesi – Halyk Bank. Astanada ótetin Dúniejúzilik kóshpendiler oiyndarynda barlyǵy 21 sport túrinen 97 medal jiyntyǵy sarapqa salynady.
