بٷگٸن حالىقارالىق «ۇلى دالا جورىعى» مارافون-بەيگەسٸ باستالدى. سولتٷستٸك قازاقستان وبلىسى, ايىرتاۋ اۋدانى, بوتاي قونىسىمەن استانا اراسىن جالعايتىن جورىق, 500 شاقىرىمدى قۇرايدى. وعان شەت مەملەكەتتەردەن 8 كوماندا قاتىسىپ جاتىر. وتاندىق كوماندالاردىڭ سانى 9.
«Amanat» پارتيياسىنىڭ حاتشىسى ەرجان جىلقىباەۆ حالىقارالىق «ۇلى دالا جورىعىنىڭ» اشىلۋ سالاتاناتىندا سٶز الىپ, قر پارلامەنتٸ مەجٸلٸسٸنٸڭ تٶراعاسى, «Amanat» پارتيياسىنىڭ تٶراعاسى ەرلان قوشانوۆتىڭ قۇتتىقتاۋ حاتىن وقىپ بەردٸ.
«ۇلى دالا تٶسٸندە ٶتەتٸن كٶشپەندٸلەردٸڭ ۇلان-اسىر مەرەكەسٸنٸڭ باسى – وسى «ۇلى دالا جورىعى» مارافون-بەيگەسٸنەن باستالادى», – دەلٸنگەن حاتتا.
بۇل جورىققا وڭتٷستٸك افريكا, يران, تٷركييا, قىرعىزستان, قاراشاي-شەركەش, قاباردين-بالقار, تاتارستان, ماجارستان ەلٸنەن كەلگەن كوماندالار قاتىسىپ جاتىر.
ەل نامىسىن ماڭعىستاۋ وبلىسىنىڭ قوس كومانداسى, جەتٸسۋ وبلىسى, الماتى قالاسى, جامبىل, اقمولا, قوستاناي, شىعىس قازاقستان, اقتٶبە وبلىسىنىڭ كوماندالارى قورعايدى.
تۇڭعىش رەت ٶتٸپ جاتقان جورىققا ەلٸمٸزدەن قوس بٸردەي قىزدار كومانداسى قاتىسۋدا. بٸرٸ ماڭعىستاۋدان كەلگەن «سۋىن» كومانداسى بولسا, ەكٸنشٸسٸ اقمولا وبلىسىنىڭ «توميريس» كومانداسى. اقمولانىڭ ارۋلارى بۇعان دەيٸن رەسپۋبليكالىق مارافون-بەيگەگە قاتىسقان, تەجٸريبە جيناعان.
حالىقارالىق «ۇلى دالا جورىعىن» ۇيىمداستىرۋشىلار بۇل جولى قازاقى تۇقىمدارعا ەرەكشە مەن بەردٸ. سول سەبەپتەن اداي, نايمان, كٶشٸم, ەۋليە اتا, قوستاناي, جەتٸسۋ ارعىماعى تۇقىمدارى وسى جارىسقا قاتىسىپ جاتىر.
سالتاناتتى شارادا سٶز سٶيلەگەن ۇلتتىق سپورت قاۋىمداستىعىنىڭ پرەزيدەنتٸ يسلامبەك سالجانوۆ, بۇل جورىق ٶركەنيەتتٸڭ تال بەسٸگٸ بوتايدان باستالۋىنا ەرەكشە توقتالدى. «سەبەبٸ بوتاي ەڭ العاش جىلقى قولعا ٷيرەتٸلگەن جەر. سول سەبەپتٸ تاريحي مەكەننٸڭ ماڭىزى وسىنداعى بارشا قاتىسۋشىلارعا قۇندى دەپ ەسەپتەيمٸن»,-دەدٸ.
حالىقارالىق «ۇلى دالا جورىعى» مارافون-بەيگەسٸ استانادا ٶتەتٸن 5-شٸ دٷنيەجٷزٸلٸك كٶشپەندٸلەر ويىندارىنىڭ باستاۋى بولدى.
ەسكە سالا كەتەيٸك, رەسپۋبليكالىق «JORYQ» ات سپورتى فەدەراتسيياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كٸرەدٸ. قاۋىمداستىق قۇرامىندا بۇدان ٶزگە «كٶكپار», «بەيگە», «ساداق اتۋ», «تەڭگە ٸلۋ», «اۋدارىسپاق», «جامبى اتۋ», «قۇسبەگٸلٸك», «اسىق اتۋ» جەنە ت.ب. فەدەراتسييالار بار. قر ۇلتتىق سپورت قاۋىمداستىعىن يسلامبەك سالجانوۆ باسقارادى.
اتاپ ٶتەيٸك, 8-13 قىركٷيەكتە استانا قالاسىندا 5-شٸ دٷنيەجٷزٸلٸك كٶشپەندٸلەر ويىندارى ٶتەدٸ. ٸس-شاراعا 89 ەلدەن 2000-نان استام سپورتشى قاتىسادى دەپ جوسپارلانۋدا. 5-شٸ دٷنيەجٷزٸلٸك كٶشپەندٸلەر ويىندارىنىڭ باس دەمەۋشٸسٸ – ALAGEUM ELECTRIC, ويىنداردىڭ باس سەرٸكتەسٸ – Halyk Bank. استانادا ٶتەتٸن دٷنيەجٷزٸلٸك كٶشپەندٸلەر ويىندارىندا بارلىعى 21 سپورت تٷرٸنەن 97 مەدال جيىنتىعى ساراپقا سالىنادى.
