Konferensıanyń maqsaty - Jibek joly boıyndaǵy memleketterdiń yntymaqtastyǵyn jáne turaqty damýyn ilgerletý, «Jańa jibek joly ekonomıkalyq beldeýi» jobasy aıasyndaǵy yntymaqtastyqtyń qazirgi jaǵdaıy, ózekti máseleleri jáne damý bolashaǵyn talqylaý, halyqaralyq ǵylymı zertteý nátıjelerimen almasý, memleketter arasyndaǵy dostyq pen yntymaqtastyqty nyǵaıtý edi.
Atalmysh konferensıa Almaty qalasyndaǵy Qytaı Halyq Respýblıkasy Bas Konsýldyǵynyń qoldaýymen uıymdastyryldy. Konferensıaǵa Qytaı Halyq Respýblıkasy, Reseıden kelgen beldi ǵalymdar – Chjan Szánhýa (QHR, Pekın), Deıch T.L.(Reseı), Ýań Chjymın(QHR, Pekın),Lı Sın(QHR, Pekın), Veı Lın (QHR, Pekın) jáne Qazaqstandaǵy Halyqaralyq jáne aımaqtyq yntymaqtastyqty zertteý ınstıtýtynan, Qazaqstan Respýblıkasy Prezıdentiniń janyndaǵy Qazaqstanstrategıalyqzertteýlerınstıtýtynan (QSZI), Súleımen Demırel atyndaǵy ýnıversıtetten, R.B. Súleımenov atyndaǵy Shyǵystaný ınstıtýty t.b. ǵylymı ortalyqtardan kelgen beldi ǵalymdar -Sultanov B.Q.,Hafızova K.Sh., Baıdarov E.Ý., Syroejkın K.L., Men D.V., t.b. qatysty .
Konferensıanyń plenarlyq májilisinde QazUÝ birinshi prorektory M. Búrkitbaev myrza konferensıanyń ashylýymen quttyqtap,Almaty qalasyndaǵy Qytaı Halyq Respýblıkasy Bas Konsýldy Chjan Veı myrzaǵa atalǵan is-sharany uıymdastyrýǵa at salysqany úshin ýnıversıtet basshylyǵy atynan alǵys bildirdi. Sondaı-aq Qytaı Halyq Respýblıkasy Bas Konsýldy Chjan Veı myrza búgingi tańda elimizde júrgizilip jatqan «Nurly Jol» baǵdarlamasy men Qytaıdyń «Bir jol – bir beldeý» strategıalyq baǵdarlamasynyń ózektiligin kórsetip, bolashaqta bul eki joba sabaqtasa otyryp, iske assa, úlken jetistikterge qol jetkizýi ábden múmkin ekendigin ata ótti.
Atalmysh konferensıa moderatorlary – Ál-Farabı atyndaǵy QazUÝ shyǵystaný fakýltei qytaıtaný kafedrasynyń meńgerýshisi t.ǵ.d., prof N.Muqamethanuly jáne Pekın pedagogıkalyq ýnıversıteti tarıh fakúltetinń profesory Chjan Szánhýa(QHR, Pekın)boldy.
Konferensııa barysynda qytaı ǵalymdary «Jibek jolynyń ekonomıkalyq beldeýin» jobasy óńirdegi memleketter arasyndaǵy ekonomıkalyq, saıası jáne gýmanıtarlyq salalarda jaqyn keshendi qarym-qatynas qalyptastyrýǵa baǵyttalǵanyn, Qazaqstan prezıdenti N.Á. Nazarbaev usynǵan «Nurly jol» baǵdarlamasy men QHR tóraǵasy Sı Szınpınniń alǵa tartqan «Jańa jibek joly ekonomıkalyq beldeýi» bastamasy ózara sáıkestik tapqanyn atap kórsetip otyrdy. Jibek joly ekonomıkalyq beldeýi – bul Jibek joly boıyndaǵy memleketterdi ekonomıkalyq damýǵa biriktiretin jahandyq bastamalardyń biri bolyp otyrǵanyn sóz etti.
Abılova Aıjan, Shyǵystaný fakúltetiniń 3 kýrs stýdenti
Sharypqazy Nurtálip, Shyǵystaný fakúltetiniń oqytýshysy
