كونفەرەنسيانىڭ ماقساتى - جىبەك جولى بويىنداعى مەملەكەتتەردىڭ ىنتىماقتاستىعىن جانە تۇراقتى دامۋىن ىلگەرلەتۋ، «جاڭا جىبەك جولى ەكونوميكالىق بەلدەۋى» جوباسى اياسىنداعى ىنتىماقتاستىقتىڭ قازىرگى جاعدايى، وزەكتى ماسەلەلەرى جانە دامۋ بولاشاعىن تالقىلاۋ، حالىقارالىق عىلىمي زەرتتەۋ ناتيجەلەرىمەن الماسۋ، مەملەكەتتەر اراسىنداعى دوستىق پەن ىنتىماقتاستىقتى نىعايتۋ ەدى.
اتالمىش كونفەرەنسيا الماتى قالاسىنداعى جۇڭگو حالىق رەسپۋبليكاسى باس كونسۋلدىعىنىڭ قولداۋىمەن ۇيىمداستىرىلدى. كونفەرەنسياعا جۇڭگو حالىق رەسپۋبليكاسى، رەسەيدەن كەلگەن بەلدى عالىمدار – چجان سزيانحۋا (قحر، پەكين)، دەيچ ت.ل.(رەسەي)، ۋاڭ چجىمين(قحر، پەكين)،لي سين(قحر، پەكين)، ۆەي لين (قحر، پەكين) جانە قازاقستانداعى حالىقارالىق جانە ايماقتىق ىنتىماقتاستىقتى زەرتتەۋ ينستيتۋتىنان، قازاقستان رەسپۋبليكاسى پرەزيدەنتىنىڭ جانىنداعى قازاقستانستراتەگيالىقزەرتتەۋلەرينستيتۋتىنان (قسزي)، سۇلەيمەن دەميرەل اتىنداعى ۋنيۆەرسيتەتتەن، ر.ب. سۇلەيمەنوۆ اتىنداعى شىعىستانۋ ينستيتۋتى ت.ب. عىلىمي ورتالىقتاردان كەلگەن بەلدى عالىمدار -سۇلتانوۆ ب.ق.،حافيزوۆا ك.ش.، بايداروۆ ە.ۋ.، سىروەجكين ك.ل.، مەن د.ۆ.، ت.ب. قاتىستى .
كونفەرەنسيانىڭ پلەنارلىق ماجىلىسىندە قازۇۋ ءبىرىنشى پرورەكتورى م. بۇركىتبايەۆ مىرزا كونفەرەنسيانىڭ اشىلۋىمەن قۇتتىقتاپ،الماتى قالاسىنداعى جۇڭگو حالىق رەسپۋبليكاسى باس كونسۋلدى چجان ۆەي مىرزاعا اتالعان ءىس-شارانى ۇيىمداستىرۋعا ات سالىسقانى ءۇشىن ۋنيۆەرسيتەت باسشىلىعى اتىنان العىس ءبىلدىردى. سونداي-اق جۇڭگو حالىق رەسپۋبليكاسى باس كونسۋلدى چجان ۆەي مىرزا بۇگىنگى تاڭدا ەلىمىزدە جۇرگىزىلىپ جاتقان «نۇرلى جول» باعدارلاماسى مەن قىتايدىڭ «ءبىر جول – ءبىر بەلدەۋ» ستراتەگيالىق باعدارلاماسىنىڭ وزەكتىلىگىن كورسەتىپ، بولاشاقتا بۇل ەكى جوبا ساباقتاسا وتىرىپ، ىسكە اسسا، ۇلكەن جەتىستىكتەرگە قول جەتكىزۋى ابدەن مۇمكىن ەكەندىگىن اتا ءوتتى.
اتالمىش كونفەرەنسيا مودەراتورلارى – ءال-فارابي اتىنداعى قازۇۋ شىعىستانۋ فاكۋلتەى قىتايتانۋ كافەدراسىنىڭ مەڭگەرۋشىسى ت.ع.د.، پروف ن.مۇقامەتحان ۇلى جانە پەكين پەداگوگيكالىق ۋنيۆەرسيتەتى تاريح فاكۋلتەتىنڭ پروفەسسورى چجان سزيانحۋا(قحر، پەكين)بولدى.
كونفەرەنسييا بارىسىندا جۇڭگو عالىمدارى «جىبەك جولىنىڭ ەكونوميكالىق بەلدەۋىن» جوباسى وڭىردەگى مەملەكەتتەر اراسىنداعى ەكونوميكالىق، ساياسي جانە گۋمانيتارلىق سالالاردا جاقىن كەشەندى قارىم-قاتىناس قالىپتاستىرۋعا باعىتتالعانىن، قازاقستان پرەزيدەنتى ن.ءا. نازاربايەۆ ۇسىنعان «نۇرلى جول» باعدارلاماسى مەن قحر ءتوراعاسى سي ءسزينپيننىڭ العا تارتقان «جاڭا جىبەك جولى ەكونوميكالىق بەلدەۋى» باستاماسى ءوزارا سايكەستىك تاپقانىن اتاپ كورسەتىپ وتىردى. جىبەك جولى ەكونوميكالىق بەلدەۋى – بۇل جىبەك جولى بويىنداعى مەملەكەتتەردى ەكونوميكالىق دامۋعا بىرىكتىرەتىن جاھاندىق باستامالاردىڭ ءبىرى بولىپ وتىرعانىن ءسوز ەتتى.
ابيلوۆا ايجان، شىعىستانۋ فاكۋلتەتىنىڭ 3 كۋرس ستۋدەنتى
شارىپقازى ءنۇرتالىپ، شىعىستانۋ فاكۋلتەتىنىڭ وقىتۋشىسى
