1 maýsym – halyqaralyq balalardy qorǵaý kúni Almaty qalasynda úlken sán-saltanatpen toilanyp jatyr. Negizgi merekelik is-shara qala turǵyndary kóp jinalǵan Ortalyq mádeniet jáne demalys saiabaǵynda ótýde. Munda qonaqtar úshin qazaq estradasynyń juldyzdary, balalar vokaldyq jáne bi ujymdary kontserttik baǵdarlamalaryn kópshilikke usyndy, dep habarlaidy Dalanews.kz.
Kontsert «Sarmat» ansambliniń horeografiialyq nómiriniń súiemeldeýimen «Boztorǵai» horynyń oryndaýynda «Bolashaq» balalar ánuranymen bastaldy. Sodan keiin tanymal artister men jas talanttardyń dýet bolyp óner kórsetti. «Slavian bazar» baiqaýynyń jeńimpazy, jas vokalist Sherhan Arystan kishkentai Qarlyǵashpen birge «Týǵan jer» ánin qosylyp shyrqady.
Ataqty kúishi, Qazaqstannyń halyq artisi Aigúl Úlkenbaeva jas Yqylaspen birge Qurmanǵazynyń áigili «Adai» kúiin shertti. Ol talantty jastarmen árqashan óner kórsetýge daiyn ekenin aitty.
Skripkashy Alýa Maqanovanyń «Mármár» jetigen ansamblimen birigip oryndaǵan «Qarlyǵash» klassikalyq týyndysy áserli shyqty. Al, kishkentaiynan tanylǵan Erjan Maksim «Armanyńnan qalma» ánimen kópshiliktiń qoshemetine bólendi. Baqytty balalyq shaq týraly ánimen Aigúl Úlkenbaeva, Jiger Aýypbaev, Almas Kishkenbaev, Elizat Berikova, ART Slassic toby, Shaba Orazhan jáne Sáken Maiǵaziev jastarǵa qoldaý kórsetti. Áigili «Qazaq qyzdary» ánin KeshYOU toby jas trio Alsý Ulyhanovamen, Airis Qulbaeva jáne Sofiia Balǵazinamen birigip aitty.
«Barlyǵyn halyqaralyq balalardy qorǵaý kúnimen quttyqtaimyn. Búgin men osy sahnada bolyp, birge óner kórsetip, tájiribemdi bóliskenime qýanyshtymyn. Shyǵarmashylyq jolda bul óte mańyzdy», - dedi Almas Kishkenbaev.
«Biz baqytty balamyz» ánin kontsertke qatysýshylar birigip oryndap, artynsha baǵdarlama balalardyń shyǵarmashylyq ujymynyń ónerimen jalǵasty. Kúniń ystyǵyna qaramastan saiabaqqa halyq kóp jinaldy. Olardyń kópshiligi, árine, balalar. Munda olar úshin túrli is-sharalar uiymdastyryldy. Kóterińki kóńil-kúimen kelip, bi biledi.
Almatyda balalarǵa arnalǵan merekelik is-sharalar 30 mamyrda bastaldy. Búgin de megapolistiń barlyq 8 aýdanynda atalyp ótýde.
Buǵan deiin Prezident Jas Galym. Science Quest festivaline qatysýshy balalarmen júzdesken bolatyn.
