Búgin, 2024 jylǵy 15 tamyzda "Halyqaralyq baǵdarlamalar ortalyǵy" AQ Basqarma tóraǵasy Áliia Ospanova men "Qazaqtelekom" AQ Basqarma tóraǵasy Baǵdat Mýsin arasynda yntymaqtastyq týraly memorandýmǵa qol qoiyldy, dep habarlaidy Dalanews.kz.
Memorandýmnyń maqsaty – bailanys, telekommýnikatsiialar, aqparattyq tehnologiialar, jasandy intellekt jáne innovatsiia salalary úshin shetelde joǵary bilikti kadrlardy daiarlaý jáne qaita daiarlaý salasyndaǵy yntymaqtastyqty tereńdetý.
Qazaqstan Prezidenti Qasym-Jomart Toqaevtyń tapsyrmasyna sáikes, ol finteh, telekommýnikatsiialar, jasandy intellekt jáne IT álemdik trendterine integratsiialanýdyń mańyzdylyǵyn, sondai-aq joǵary tehnologiialyq ortalyqtaryn qurý qajettigin atap ótti, «Qazaqtelekom» AQ-men yntymaqtastyq jastardyń tsifrlyq daǵdylaryn damytýǵa jáne bilikti mamandardy daiarlaýǵa, qaita daiarlaýǵa baǵyttalǵan.
"Halyqaralyq baǵdarlamalar ortalyǵy» AQ basqarma tóraǵasy Áliia Ospanova bul seriktestiktiń mańyzdylyǵyn atap ótti: «Dúnie júziniń jetekshi ýniversitetteri men ǵylymi ortalyqtarynda bilim alý arqyly bizdiń stipendiattar Qazaqstanda tabysty qoldana alatyn ozyq álemdik tájiribeler men tehnologiialardy meńgeredi. Ortalyq eldi tsifrlyq transformatsiia máselelerin sheshýge jáne ekonomikanyń negizgi sektorlarynyń damýyn qoldaýǵa qabiletti joǵary bilikti kadrlarmen qamtamasyz etý maqsatynda injenerlik-tehnikalyq mamandardy (EjB) daiarlaýǵa erekshe kóńil bóledi".
"Qazaqtelekom" AQ basqarma tóraǵasy Baǵdat Mýsin mamandardyń jańa býynynyń qalyptasýyna yqpal etetinine senim bildirdi. «Halyqaralyq baǵdarlamalar ortalyǵymen yntymaqtastyq tsifrlyq bolashaqtyń mindetterin sheshýge qabiletti kadrlardy daiyndaýdyń biregei múmkindikterin beredi. Biz Qazaqstannyń halyqaralyq arenadaǵy pozitsiiasyn nyǵaita túsetin jastardyń tsifrlyq quzyrettiligin damytýǵa úles qosqanymyzǵa qýanyshtymyz".
Taraptar "Bolashaq" baǵdarlamasynyń túlekterin jumysqa ornalastyrýdy qoldaýǵa jáne ekonomikanyń negizgi salalarynda, onyń ishinde bailanys, telekommýnikatsiialar men IT-tehnologiialarynda suranysqa ie joǵary bilikti mamandardy daiarlaýǵa baǵyttalǵan birqatar jobalardy júzege asyrýǵa kelisti. "Bolashaq" baǵdarlamasy boiynsha "Qazaqtelekom" AQ qyzmetkerleri Huawei jáne Ericsson siiaqty jetekshi korporatsiialarda "500 ǵalym" ǵylymi taǵylymdamadan jáne kásibi taǵylymdamadan óte alady, sondai-aq MIT, Stanford University, University of California-Berkeley, Tsinghua University siiaqty álemniń joǵarǵy oqý oryndarynda magistratýra jáne doktorantýra baǵdarlamalary boiynsha oqýdan óte alady.
