بۇگىن، 2024 جىلعى 15 تامىزدا "حالىقارالىق باعدارلامالار ورتالىعى" اق باسقارما ءتوراعاسى ءاليا وسپانوۆا مەن "قازاقتەلەكوم" اق باسقارما ءتوراعاسى باعدات مۋسين اراسىندا ىنتىماقتاستىق تۋرالى مەموراندۋمعا قول قويىلدى، دەپ حابارلايدى Dalanews.kz.
مەموراندۋمنىڭ ماقساتى – بايلانىس، تەلەكوممۋنيكاسيالار، اقپاراتتىق تەحنولوگيالار، جاساندى ينتەللەكت جانە يننوۆاسيا سالالارى ءۇشىن شەتەلدە جوعارى بىلىكتى كادرلاردى دايارلاۋ جانە قايتا دايارلاۋ سالاسىنداعى ىنتىماقتاستىقتى تەرەڭدەتۋ.
قازاقستان پرەزيدەنتى قاسىم-جومارت توقايەۆتىڭ تاپسىرماسىنا سايكەس، ول فينتەح، تەلەكوممۋنيكاسيالار، جاساندى ينتەللەكت جانە IT الەمدىك ترەندتەرىنە ينتەگراسيالانۋدىڭ ماڭىزدىلىعىن، سونداي-اق جوعارى تەحنولوگيالىق ورتالىقتارىن قۇرۋ قاجەتتىگىن اتاپ ءوتتى، «قازاقتەلەكوم» اق-مەن ىنتىماقتاستىق جاستاردىڭ سيفرلىق داعدىلارىن دامىتۋعا جانە بىلىكتى مامانداردى دايارلاۋعا، قايتا دايارلاۋعا باعىتتالعان.
"حالىقارالىق باعدارلامالار ورتالىعى» اق باسقارما ءتوراعاسى ءاليا وسپانوۆا بۇل سەرىكتەستىكتىڭ ماڭىزدىلىعىن اتاپ ءوتتى: «دۇنيە ءجۇزىنىڭ جەتەكشى ۋنيۆەرسيتەتتەرى مەن عىلىمي ورتالىقتارىندا ءبىلىم الۋ ارقىلى ءبىزدىڭ ستيپەندياتتار قازاقستاندا تابىستى قولدانا الاتىن وزىق الەمدىك تاجىريبەلەر مەن تەحنولوگيالاردى مەڭگەرەدى. ورتالىق ەلدى سيفرلىق ترانسفورماسيا ماسەلەلەرىن شەشۋگە جانە ەكونوميكانىڭ نەگىزگى سەكتورلارىنىڭ دامۋىن قولداۋعا قابىلەتتى جوعارى بىلىكتى كادرلارمەن قامتاماسىز ەتۋ ماقساتىندا ينجەنەرلىك-تەحنيكالىق مامانداردى (ەجب) دايارلاۋعا ەرەكشە كوڭىل بولەدى".
"قازاقتەلەكوم" اق باسقارما ءتوراعاسى باعدات مۋسين مامانداردىڭ جاڭا بۋىنىنىڭ قالىپتاسۋىنا ىقپال ەتەتىنىنە سەنىم ءبىلدىردى. «حالىقارالىق باعدارلامالار ورتالىعىمەن ىنتىماقتاستىق سيفرلىق بولاشاقتىڭ مىندەتتەرىن شەشۋگە قابىلەتتى كادرلاردى دايىنداۋدىڭ بىرەگەي مۇمكىندىكتەرىن بەرەدى. ءبىز قازاقستاننىڭ حالىقارالىق ارەناداعى پوزيسياسىن نىعايتا تۇسەتىن جاستاردىڭ سيفرلىق قۇزىرەتتىلىگىن دامىتۋعا ۇلەس قوسقانىمىزعا قۋانىشتىمىز".
تاراپتار "بولاشاق" باعدارلاماسىنىڭ تۇلەكتەرىن جۇمىسقا ورنالاستىرۋدى قولداۋعا جانە ەكونوميكانىڭ نەگىزگى سالالارىندا، ونىڭ ىشىندە بايلانىس، تەلەكوممۋنيكاسيالار مەن IT-تەحنولوگيالارىندا سۇرانىسقا يە جوعارى بىلىكتى مامانداردى دايارلاۋعا باعىتتالعان ءبىرقاتار جوبالاردى جۇزەگە اسىرۋعا كەلىستى. "بولاشاق" باعدارلاماسى بويىنشا "قازاقتەلەكوم" اق قىزمەتكەرلەرى Huawei جانە Ericsson سياقتى جەتەكشى كورپوراسيالاردا "500 عالىم" عىلىمي تاعىلىمدامادان جانە كاسىبي تاعىلىمدامادان وتە الادى، سونداي-اق MIT، Stanford University، University of California-Berkeley، Tsinghua University سياقتى الەمنىڭ جوعارعى وقۋ ورىندارىندا ماگيستراتۋرا جانە دوكتورانتۋرا باعدارلامالارى بويىنشا وقۋدان وتە الادى.
