2026 jylǵy 1 shildedegi jaǵdai boiynsha Qazaqstannyń syrtqy qaryzy 187,9 mlrd dollardy qurady. Jyl basynan beri bul kórsetkish 4,8 mlrd dollarǵa ósip, 183,1 mlrd dollardan 187,9 mlrd dollarǵa deiin ulǵaiǵan, dep habarlaidy dalanews.kz.
Soǵan qaramastan, syrtqy qaryzdyń jalpy ishki ónimge (JIÓ) shaqqandaǵy úlesi tómendegen. Eger jyl basynda bul kórsetkish 59,9% bolsa, shilde aiynda 56,6%-ǵa deiin azaidy. Bul JIÓ ósiminiń qaryz kóleminiń ósýinen jyldamyraq bolǵanymen túsindiriledi.
Qaryz qurylymynda kompaniialar arasyndaǵy bereshek eń úlken úlesti ielenedi. Onyń kólemi 86,2 mlrd dollardy nemese jalpy syrtqy qaryzdyń 46%-yn quraidy. Bul negizinen sheteldik tikelei investorlardyń ekonomikaǵa uzaq merzimdi qarjylandyrýyn kórsetedi.
Memlekettik sektordyń, iaǵni memlekettik organdar men Ulttyq banktiń syrtqy qaryzy 18,6 mlrd dollardy qurap, JIÓ-niń 5,6%-yna teń boldy.
Sonymen qatar memlekettiń syrtqy aktivteri, onyń ishinde Ulttyq banktiń halyqaralyq rezervteri 130,8 mlrd dollarǵa jetken. Bul kórsetkish syrtqy mindettemelerden 112,2 mlrd dollarǵa joǵary.
Ulttyq bank tóraǵasy Timýr Súleimenov syrtqy qaryzdyń eleýli bóligi qazaqstandyq kompaniialardyń sheteldegi bas kompaniialar aldyndaǵy mindettemelerinen quralatynyn atap ótti. Onyń aitýynsha, qaryz júktemesin baǵalaýda qaryzdyń JIÓ-ge qatynasyna nazar aýdarǵan jón.
