«Halyq únine qulaq asatyn memleket» tujyrymdamasy iske aspaq
Bul týraly Kentaý qalasy Qarnaq aýyly turǵyndarymen kezdesýinde Túrkistan oblystyq «Nur Otan» partiiasy oblystyq filaly tóraǵasynyń birinshi orynbasary Beisen Tájibaev bastaýysh partiia uiym ókilderimen kezdesýde málim etti.
QR Prezidenti Qasym-Jomart Toqaevtyń «Syndarly qoǵamdyq dialog-Qazaqstannyń turaqtylyǵy men órkendeýiniń negizi» atty Joldaýyn nasihattaý kezdesýi ózgeshe formatta ótti. Bul jolǵy kezdesý 5 gektar jerdi igerip, alma men júzim, óriktiń túr-túrin halyqqa usynyp kele jatqan «Myrza» sharýa qojalyǵynda uiymdastyryldy. Kezdesýge Kentaý qalasy partiia filialynyń basshylary, bastaýysh partiia uiymdarynyń músheleri, aýyl turǵyndary men BAQ ókilderi qatysty.
Kezdesýde sóz alǵan Beisen Dáýletuly Joldaýdaǵy negizgi basym baǵyttarǵa arnaiy toqtaldy.
– Prezident Joldaýda úkimettik emes uiymdardyń belsendiligin arttyryp, qoǵamdyq ashyq dialogtyq alańyn quryp, ózara pikir-saiystar ótkizý jóninde basa aitty. Búgingi kezdesýimiz osy formatta erkin ári ózgeshe jaǵdaida iaǵni sharýa qojalyǵynda ótip otyr. Aldaǵy ýaqytta biz mundai kezdesýlerdiń kóptep ótkizý arqyly «Halyq únine qulaq asatyn memleket» tujyrymdamasyn iske asyrýǵa yqpal etetin bolamyz. Sondai-aq, óńir halqynyń ótinishterin kúndelikti tyńdap, tiisti organdar arqyly máselelerdi turaqty túrde sheshýge múmkindik alamyz. Alda oblys ákimi, filial tóraǵasynyń tapsyrmasymen ákimdik janynan «Azamattar ótinishterin baqylaý» bólimi iske qosylǵaly otyr. Atalǵan bólim aryz-shaǵymdardy merziminde qarap, jaýap berilýine baqylaý jasaityn bolady. Al, oblys ákimdigi apparatynyń bólimderi jaýaptyń sapasyn tekseredi. Iaǵni, bizdiń maqsatymyz-túsken aryz-shaǵymdar kólemin azaitý, – dedi Beisen Dáýletuly.
Kezdesý barysynda nasixattyq top ókilderi aýyl sharýashylyǵyn damytý, ataýly áleýmettik kómek, shaǵyn jáne orta kásipkerlikke qoldaý bildirý maqsatyndaǵy oblysymyzda qolǵa alynǵaly otyrǵan jumystardy da tilge tiek etti.
Óz kezeginde sóz alǵan aýyl turǵyndary da Joldaýda kóńilge qonymdy bolǵan negizgi basymdyqtardy atap ótti.
Aita keteiik, Joldaýdy halyq arasynda keńinen nasihattap, halyqtyń muń-muqtajyna nazar aýdaryp, máselesin anyqtaý maqsatynda óńirdiń baryq aýyl-aimaqtarynda partiia filialdary kúndelikti turǵyndarmen kezdesýler uiymdastyrýda.
