Májilistegi «AMANAT» fraktsiiasynyń keńeitilgen jiynynda depýtattar Úkimet múshelerimen birge partiianyń sailaýaldy baǵdarlamasynyń júzege asyrylý barysyn talqylady. Máselen, byltyr elimizde 17 mln sharshy metr turǵyn úi paidalanýǵa berildi, 165 mektep pen 611 balabaqsha ashyldy, 470 myńnan astam jas azamat jumysqa ornalastyryldy.
Sóz basynda Májilis Spikeri, «AMANAT» partiiasynyń Tóraǵasy Erlan Qoshanov «AMANAT» parlamenttik kópshilik partiia retinde Memleket basshysyna Premer-Ministrdiń kandidatýrasyn usynǵanyn jáne Úkimet quramyn jasaqtaýǵa tikelei atsalysqanyn eske saldy. Sondyqtan, «Halyqpen birge!» sailaýaldy baǵdarlamasynyń sapaly oryndalýy – partiianyń, depýtattyq korpýstyń jáne Úkimettiń ortaq jaýapkershiligi.
- Sailaýaldy baǵdarlama – bizdiń basty qujatymyz. Bul – el damýyna daýys bergen milliondaǵan otandasymyzdyń senimi. Sondyqtan halyqtyń úmitin aqtap, osy ýádelerdi oryndaý – bizdiń ortaq jaýapkershiligimiz.
Prezident Qasym-Jomart Toqaev 2029 jylǵa qarai el ekonomikasyn eki ese arttyrý mindetin qoidy. Munyń bári partiianyń sailaýaldy baǵdarlamasynda jáne bekitilgen Jol kartasynda kózdelgen. Úkimetpen de kelisilgen. Buǵan salalyq ministrlikter men fraktsiia músheleri tikelei jaýap beredi, – dedi ol.
Sonymen qatar, partiia Tóraǵasy partiianyń sailaýaldy baǵdarlamasyn oryndaý boiynsha Jol kartasyn júzege asyrýdaǵy oń dinamikaǵa nazar aýdardy.
Máselen, turǵyn úi qoljetimdiligin arttyrý úshin 2023 jyly 17 mln sharshy metr baspana salyndy. Al Jol kartasy boiynsha 15,5 mln sharshy metr turǵyn úi salý kózdelgen bolatyn. «Jer amanaty» jobasy aiasynda 10 mln gektardan astam aýyl sharýashylyǵy jerleri memleket menshigine qaitaryldy.
Ol ekonomikany damytý, biznesti, aýyl sharýashylyǵyn, óndiristi qoldaý, azamattardyń tabysyn arttyrý, áleýmettik saiasatty jaqsartý, jumyspen qamtý máselelerin sheshý, óńirlerdiń infraqurylymdyq damýy jáne ózge de mańyzdy baǵyttar boiynsha qabyldanǵan sharalarǵa egjei-tegjeili toqtaldy.
- Úkimet óziniń barlyq áleýmettik mindettemelerin oryndaýda. Bul maqsattarǵa respýblikalyq biýdjettiń 40%-dan astam qarajaty bólinedi. Máselen, byltyrdan bastap ataýly áleýmettik kómek sheńberinde 1 jastan 6 jasqa deiingi árbir balaǵa 1,5 AEK mólsherinde qosymsha tólem belgilendi. 2023 jyly bul tólemdi 186,8 myń bala aldy. Buǵan qosa, biyl bazalyq zeinetaqynyń eń tómengi mólsheri 65%-ǵa, al eń joǵary mólsheri eń tómengi kúnkóris deńgeiiniń 105%-na deiin ulǵaityldy. Aita keteiik, búginde Qazaqstan TMD elderi arasynda eń joǵary ortasha zeinetaqy mólsherine ie, – dedi ol.
Sonymen qatar, túrli sanattaǵy azamattardyń: áskeri qyzmetshilerdiń jalaqysy – 50%-ǵa, tótenshe jaǵdailar qyzmetkerleriniń jalaqysy – 40%-ǵa, dárigerlerdiń eńbekaqysy – 30%-ǵa, meditsina qyzmetkerleriniń jalaqysy – 20%-ǵa, mádeniet jáne arhiv isi qyzmetkerleriniń eńbekaqysy – 20%-ǵa ósti.
Sonymen qatar, byltyr 67 myń oryndyq 611 mektepke deiingi mekeme jáne 137,8 myń oryndyq 165 mektep ashyldy. 473 myń jas azamat jumysqa ornalastyryldy. Premer-Ministrdiń orynbasary turǵyn úimen qamtamasyz etý sharalaryna jeke toqtaldy.
- Jyl sońyna deiin 18 mln sharshy metr turǵyn úi salý josparlanýda. Biyl jalǵa beriletin turǵyn úi qurylysyna «Samuryq-Qazynadan» alǵash ret 272 mlrd teńge bólindi, onyń 40%-y aýdandyq deńgeidegi turǵyn úi qurylysyna arnalǵan. Sondai-aq, biyl «Otbasy bank» jelisi boiynsha 20 myń otbasyna 7-9% jeńildikpen nesie berý josparlanýda, – dedi N.Baibazarov.
Premer-Ministrdiń orynbasary 2023 jyly shikizattyq emes taýarlar men qyzmetterdiń jalpy eksporty 35,6 mlrd AQSh dollaryn quraǵanyn aitty. Ol sondai-aq depýtattardy aýyl sharýashylyǵyn memlekettik qoldaýdyń júieli sharalary týraly habardar etti. Búginde «Aýyl amanaty» jobasy aiasynda 89,9 mlrd teńge somasyna 14,2 myń shaǵyn nesie berildi. Bul qadam 15,7 myńnan astam jumys ornyn qurýǵa múmkindik berdi.
Óz kezeginde, «AMANAT» partiiasynyń Hatshysy Erjan Jylqybaev jergilikti jerdegi partiialyqtar jaýapty memlekettik organdarmen birge sailaýaldy ýádelerdiń júzege asyrylýyna turaqty monitoring júrgizýdi jalǵastyryp jatqanyn atap ótti.
- Búginde salynyp jatqan nysandarda 600-den astam partiialyq baqylaý beketteri ornalastyryldy. Oǵan 12 myńnan astam partiia múshesi jumyldyryldy. Máslihattardaǵy partiia fraktsiialarynyń jiyndarynda jergilikti atqarýshy organdardyń esebi tyńdaldy. Sondai-aq, Partiialyq baqylaý komiteti atqarǵan jumys nátijesinde, sailaýaldy baǵdarlamany oryndamaǵany nemese tiisti deńgeide júzege asyrmaǵany úshin 36 partiia múshesi partiialyq jaýapkershilikke tartyldy, – dedi ol.
Sonymen qatar, Májilis depýtattary partiianyń sailaýaldy baǵdarlamasyn júzege asyrýdyń keibir pýnktteri boiynsha, onyń ishinde balabaqshalar ashý, aǵash otyrǵyzý, áleýmettik jaǵdaiy osal toptarǵa turǵyn úi berý jáne taǵy basqa baǵyttar boiynsha artta qalýshylyq bar ekenine Úkimet músheleriniń nazaryn aýdardy.
Jiyndy qorytyndylai kele, «AMANAT» Tóraǵasy fraktsiia músheleri men ministrler Prezidenttiń sailaýaldy baǵdarlamasynyń júieli júzege asyrylýyn baqylaýdy kúsheitýi kerek ekenin atap ótti.
- Ár depýtat óziniń sailaýaldy ýádeler blogyn muqiiat taldap, ministrliktermen tyǵyz jumys isteýge tiis. Qajet bolǵan jaǵdaida biýdjetti qaraý kezinde usynystar engizý kerek. Bul – Prezident Qasym-Jomart Toqaevtyń sailaýaldy baǵdarlamasy men Joldaýlaryndaǵy naqty tapsyrmalary, «AMANAT» partiiasynyń halyqqa bergen ýádeleri jáne Úkimettiń eldi damytý, azamattardyń ál-aýqatyn jaqsartý jónindegi mindettemeleri, – dedi Erlan Qoshanov.
«AMANAT» partiiasynyń baspasóz qyzmeti
