Depýtattyń aitýynsha, AES qorshaǵan ortaǵa ziian tigizbeidi
Parlament Májilisiniń depýtaty Baýyrjan Smaǵulov AES salý máselesi jónindegi respýblikalyq referendýmnyń aldyn ala qorytyndysy týraly pikir bildirdi, – dep habarlaidy Azattyq Rýhy.
Ol Ortalyq referendým komissiiasynyń aldyn ala qorytyndysy boiynsha qazaqstandyqtardyń 71,12%-y AES salý bastamasyn qoldaǵanyn eske saldy.
– Halyqtyń AES salýdy qoldap, daýys berýiniń nátijesine qarap, energiia tapshylyǵy artyp kele jatqan ýaqytta azamattardyń strategiialyq bastamany belsendi qoldaǵanyn erekshe atap ótkim keledi.
AES salý máselesi burynnan kóterilip keledi, sońǵy jyldary bul taqyryp qyzý talqyǵa tústi. Atom elektr stansasyn qoldaǵandar da, oǵan qarsy shyqqandar da tabyldy. AES-ti qoldaǵandardyń eń basty argýmenti – eldiń energetikalyq qaýipsizdigin qamtamasyz etý qajettiligi.
Elimizde energiia qýatyna qajettilik artyp keledi, óitkeni jańa kásiporyndar salynyp, halyq sany kóbeiip jatyr. Osyǵan bailanysty elektr energiiasyn tutyný jylyna kem degende 3 paiyzǵa ósedi. Alaida qoldanystaǵy JEO jáne GRES-ter baiaǵyda 70 paiyzǵa tozǵan, – deidi depýtat.
Májilismenniń aitýynsha, Qazaqstan, ókinishke qarai, elektr qýatyn importtaýǵa májbúr. Byltyrdyń ózinde Reseiden 2 mlrd kilovatt-saǵat importtaǵan.
– Syrtqy naryqta elektr energiiasyn satyp alý qymbattai túsetini anyq. Al elektr qýatynsyz ekonomika damymaidy, qazaqstandyqtardyń tynys-tirshiligin qamtamasyz etý múmkindigi bolmaidy.
Dál osy sebepten referendýmǵa daiyndyqtyń alǵashqy kezeńderinde qazaqstandyqtar AES salý ideiasyn belsendi qoldai bastady, – deidi Smaǵulov.
Sondai-aq, onyń aitýynsha, kómir stansalaryna qaraǵanda AES – taza energiia kózi.
– Osynyń bárin eskerip, AES ekonomikanyń damýy úshin óte tiimdi jáne óńirdiń ekologiiasyna ziiany joq, – dep sanaidy depýtat.
Esterińizge salaiyq, 6 qazanda elimizde AES qurylysy jóninde respýblikalyq referendým ótti. Ortalyq referendým komissiiasynyń aldyn ala qorytyndysy boiynsha daýys bergen qazaqstandyqtardyń 71,12 paiyzy AES-ti qoldaǵan.
