Almaly aýdanynda «Halyq qatysatyn biýdjet» baǵdarlamasy boiynsha 52 jobany júzege asyrýǵa 2024 jyly 2,2 mlrd teńge bólindi. Bul týraly Almaty qalasynyń ákimi Erbolat Dosaev aýdan turǵyndarymen kezdesýde málimdedi, – dep habarlaidy Dalanews.kz.
Qala basshysy Almaty ákimdigi aýdan turǵyndary úshin qolaily qalalyq orta qurýǵa erekshe kóńil bóletinin atap ótti.
– 2024 jyly «Halyqqa qatysatyn biýdjet» baǵdarlamasy boiynsha 52 jobany iske asyrýǵa 2,2 mlrd teńge bólindi. Jyl basynan beri 1,8 mlrd teńgege 47 joba iske asyryldy, – dedi Erbolat Dosaev.
Onyń ishinde aýla aýmaqtaryn jóndeý boiynsha 30 joba, avtosýarýdy ornatýmen kógaldandyrý boiynsha 3 joba jáne qoǵamdyq keńistikterdi abattandyrý jáne kógaldandyrý boiynsha 14 joba, onyń ishinde Rozybakiev kóshesi boiyndaǵy zańsyz bazar ornynda jańa skverdi, Dúisenov kóshesiniń buryshyn, aýdany 0,5 ga, S. Muqanov atyndaǵy skverdi jáne Muratbaev kóshesindegi jasyl aimaqty abattandyrý, Tóle bi kóshesiniń qiylysy, Qojamqulov kóshesiniń boiyndaǵy skeit alańyn jailastyrý, Jambyl kóshesiniń qiylysy jáne Abai dańǵylynan Qurmanǵazy kóshesine deiingi Qashǵar kóshesiniń boiyndaǵy qoǵamdyq keńistikti uiymdastyrý.
2024 jyldyń sońyna deiin 400 mln teńgege qalǵan 5 joba aiaqtalady.
Aýdan turǵyndarynyń ótinishi boiynsha 2024 jyldyń qarasha aiynda jumystardyń aiaqtalýymen jalpy somasy 460 mln teńgege 23 aýla aýmaǵyna aǵymdaǵy jóndeý jumystary bastaldy.
«Halyqa qatysatyn biýdjet» – bul turǵyndar ákimdiktermen birlesip jergilikti biýdjet qarajatyn júzege asyratyn joba. Turǵyndardyń ózderi abattandyrý ideialaryn usynady, olardy joba deńgeiine deiin pysyqtaidy, sodan keiin onlain-daýys berý arqyly jeńimpazdardy tańdaidy.
Almaty ákimi Erbolat Dosaevtyń tapsyrmasy boiynsha biyl osy baǵdarlama boiynsha qarjylandyrý 2 mlrd teńgege deiin ulǵaityldy.
Jyl sońyna deiin 13 kóppáterli úidiń turǵyndaryna 230 mln teńgege 22 lift jańartylyp, 9 turǵyn úidiń shatyry, qasbeti men injenerlik jelileri 465 mln teńgege jóndeledi.
