Túrkistan oblystyq máslihatynyń depýtaty, «Amanat» partiiasy fraktsiiasynyń múshesi Erbol Eraliev Alataýǵa erekshe mártebe berý bastamasyna qatysty pikir bildirdi,- dep habarlaidy Dalanews.kz
Onyń aitýynsha, Alataý qalasyna erekshe mártebe berý – elimizdiń áleýmettik-ekonomikalyq damýynyń jańa kezeńi bolmaq.
— Alataý qalasyna erekshe mártebe berý – elimizdiń áleýmettik-ekonomikalyq damýynyń jańa kezeńi bolmaq. Memleket basshysy Qasym-Jomart Toqaev halyqqa Joldaýynda aitqan bul bastama investitsiia, jańa tehnologiialar men innovatsiialardy tartýǵa úlken múmkindik ashady. Alataý – iskerlik belsendilik pen innovatsiia ortalyǵy retinde josparlanyp otyr. Munda ozyq jobalar, zamanaýi óndirister jáne joǵary tehnologiialyq kompaniialar shoǵyrlanatyn bolady, - dedi Erbol Eraliev.
Aita ketý kerek, Qazaqstanda erekshe mártebege ie qala retinde tabysty mysal bar – ol Túrkistan.
"Bul sheshim qalanyń rýhani, mádeni jáne týristik ortalyqqa ainalýyna qýatty serpin berdi. Túrkistanda iri infraqurylymdyq jáne investitsiialyq jobalar júzege asyrylyp, biznes damyp, halyqtyń ómir súrý sapasy artýda. Túrkistan erekshe mártebeniń aimaqty jańǵyrtýǵa jáne jańa mán-maǵyna berýge qalai yqpal ete alatynyn dáleldedi.
Endi osyndai mártebege ie qalalardyń qataryna Alataý da qosylady. Ol investitsiialyq jáne tehnologiialyq hab retinde Qazaqstandy Qytai, EAEO jáne Eýropa syndy negizgi halyqaralyq naryqtarmen bailanystyrýshy ról atqarady. Erekshe mártebe berý jedel damýǵa, iri investorlardy tartýǵa jáne el kartasynda jańa ósim núktesin qalyptastyrýǵa serpin beredi.
Alataý men Túrkistan – eki túrli missiiasy bar qala. Biri – rýhani jáne mádeni ortalyq bolsa, ekinshisi – innovatsiialyq ári investitsiialyq poliýs. Ekeýi birge Qazaqstannyń bolashaǵy úshin jańa baǵyt-baǵdar qalyptastyrady", - dedi maman.
