Qarýly qaqtyǵystar, tabiǵi apattar jáne aqparattyq soǵys 2025 jylǵy negizgi jahandyq táýekelderge ainalady. Dúniejúzilik ekonomikalyq forýmnyń (World Economic Forum, WEF) jyl saiyn júrgizetin saýalnama aiasynda osyndai qorytyndy shyǵaryldy, dep jazady Dalanews.kz.
Interfaks-Qazaqstan málimetinshe, WEF saýalnamasyna qatysqan respondentterdiń tórtten bir bóligi (23%) qarýly qaqtyǵystar aǵymdaǵy jylǵy kútiletin negizgi qaýip-qaterge túrtki bolady dep sanaidy.
Jalǵan aqparat nemese faktilerdi burmalaýshylyq ekinshi jyl qatarynan negizgi jahandyq táýekelder tizimine enip otyr.
Sondai-aq jahandyq klimattyń ózgerýi, áralýan biologiialyq túrlerdiń qysqarýy jáne ekojúieniń buzylýy syndy ekologiialyq máseleler aldaǵy 10 jyldyń kókjieginde kútiletin negizgi qaýip retinde atalady.
"Geosaiasi shielenistiń artýy, jahandyq senimniń joiylýy jáne klimattyq daǵdarys jahandyq júiege buryn-sońdy bolmaǵan qysymdy týdyrýda. Ózara kelispeýshilikter men táýekelderdiń tereńdei túsý jaǵdaiynda álemdik kóshbasshylar aldyna tańdaý tur: yntymaqtastyq pen turaqtylyqty ilgeriletý nemese nasharlai túsken turaqsyzdyqpen betpe-bet kelý. Bul arada tigilgen bástiń quny burynǵydan da joǵary", - dedi WEF basqarýshy direktory Mirek Dýsek.
Ótken jyldyń qyrkúiek jáne qazan ailarynda júrgizilgen WEF saýalnamasyna 900-den astam táýekelderdi basqarý sarapshylary, saiasatkerler men top-menedjerler qatysqan.
Dúniejúzilik ekonomikalyq forým Davosta aldaǵy 20-24 qańtar aralyǵynda ótedi.
