Onyń aitýynsha, karantin rejimi maýsym aiynyń sońyna deiin saqtalady.
"Karantindik sharalardy birtindep jumsartýdyń jospary jasaldy, maýsym aiyn qosyp alǵanda. Sonymen qatar, búgin úkimet 159 tarmaqtan turatyn keshendi jospardy qarastyrdy. Olar karantindik rejim men tótenshe jaǵdai kezinde kelgen ekonomikalyq ziian ornyn qalpyna keltirýge baǵyttalǵan. Bul óte aýqymdy máseleler. Olar kúntártibinde tur, árbir máseleniń arǵy jaǵynda jumys oryny jaiy tur", - dedi Toǵjanov.
Premer-Ministrdiń orynbasary elimizde tótenshe jaǵdaidyń aiaqtalǵanyna qaramastan, qaýip áli de seiilmegenin atap ótti. Bar táýekelderdi baǵalamaý qatelik bolady.
Sondyqtan da karantin rejimi jalǵasýda. Shekteý sharalary ár aimaqtyń epidemiologiialyq jaǵdaiyna bailanysty kezeń-kezeńmen alynyp tastalady. Karantindik sharalardy jumsartý, sizder biletindei, 20 sáýirden bastaldy. Osy kezeńde shamamen 1,1 million adam jumysqa oraldy. Qasym-Jomart Kemeluly búginnen bastap jumys orny 2 myń sharshy metrge deiingi azyq-túlik emes dúkender, sulýlyq salondary, balalardy damytý ortalyqtary jumys istei bastaityndyǵyn málimdedi. Saiabaqtar men alańdar azamattardyń serýendeýine qoljetimdi bolady.Saiabaq janyndaǵy oiyn-saýyq qyzmetterine shekteýler saqtalady, - dedi vitse-premer.
Sonymen qatar, ol sporttyq jattyǵýlar ótkizýge, mádeni qyzmetkerlerge daiyndyq jasaýǵa ruqsat etilgenin aitty. Jumys isteitin ata-analar úshin sanitarlyq normalarǵa sáikes balabaqshalarda kezekshi toptar qurylady.
Saýda jáne oiyn-saýyq ortalyqtarynyń, meiramhanalar men qonaq úilerdiń jumysyn jandandyrý boiynsha kásipkerler men qoǵam tarapynan kóptegen suraqtar túsýde. Olardyń osy kezeńde jumysqa kirispeitinin basa atap ótkim keledi.
Bul másele aimaqtardaǵy sanitarlyq-epidemiologiialyq jaǵdaidy eskere otyryp, biraz ýaqyttan keiin qaralady. Qoǵamdyq sharalar ótkizýge salynǵan tyiym óz kúshinde. Sondai-aq, el ishinde ary-beri júrý múmkindigi aqyryndap keńeitilip keledi, - dep sózin qorytyndylady Eráli Toǵjanov.
