Energetika vitse-ministri Álibek Jamaýov jumys saparymen Almaty oblysynda bolyp, Qonaev qalasynyń turǵyndarymen kezdesti. Vitse-ministr jylý-energetika kompleksiniń aǵymdaǵy jaǵdaiy týraly aityp berdi. Qala turǵyndary jylýmen qamtý, gazben qamtý jáne JEO-daǵy jóndeý jumystarynyń barysy jónindegi suraqtaryna jaýap aldy, dep habarlaidy Dalanews.kz.
Kezdesý barysynda vitse-ministr Almaty oblysy jańartylatyn energiia kózderin damytýdyń joǵary áleýetine ie ekenin atap ótti. Búgingi tańda óńir respýblikada JEK qýaty boiynsha 2 oryn alady nemese 23 obekti óndiretin 371,4 MVt, onyń ishinde 10 JES qýaty 146,5 MVt, 7 GES qýaty 64,62 MVt, 6 kún elektr stantsiiasy qýaty 160,35 MVt. Qýaty 14,9 MVt bolatyn 1 nysannyń qurylysy 2027 jylǵa deiin josparlanýda.
Vitse-ministr turǵyndarmen oblysty odan ári gazdandyrý josparlarymen bólisti.
«Búgingi tańda Almaty oblysyn gazdandyrý deńgeii (01.01.2024 j.jaǵdai boiynsha) 72,3% nemese shamamen 1,1 mln. adam tabiǵi gazǵa qol jetkize alady. 2024 jyly Energetika ministrliginiń biýdjettik baǵdarlamasy sheńberinde 9 jobany (5 jalǵasyp jatqan, 4 jańa) iske asyrýǵa 2,4 mlrd. teńge mólsherinde qarajat bólinetin bolady. 2024 jylǵy 15 naýryzynda Ulttyq quryltai otyrysynda berilgen Prezidenttiń tapsyrmalaryn oryndaý sheńberinde 12 jobany iske asyrýǵa qosymsha 6,9 mlrd.teńge bólindi (5 jalǵasýda, 7 jańa). 2024 jyldyń qorytyndysy boiynsha 13 eldi mekendi nemese shamamen 29 myń adamdy gazben qamtamasyz etý josparlanýda»,- dedi Álibek Jamaýov.
Sonymen qatar, energetika vitse-ministri dala jumystaryn júrgizý úshin aýyl sharýashylyǵy taýaryn óndirýshilerge dizel otynyn jetkizý, óńirdi JJM men suiytylǵan munai gazynyń qajetti qorlarymen qamtamasyz etý máselelerin qozǵady. Kezdesýge kelgen oblys turǵyndary «Alataý Jaryq Kompaniiasy» AQ balansyna jańa elektr jelilerin qabyldaý, eldi mekenderdi gazdandyrý siiaqty ózderin tolǵandyrǵan suraqtarǵa jaýap aldy. Sondai-aq, azamattardy jeke máseleleri boiynsha qabyldaý ótti.
Jumys sapary barysynda energetika vitse-ministri Almaty JEO-3-ke baryp, júrgizilip jatqan jóndeý jumystarynyń barysymen tanysty jáne jumysty jylytý maýsymy bastalǵanǵa deiin ýaqytynda jáne sapaly oryndaýdy tapsyrdy. Qazirgi ýaqytta JEO-daǵy jumystar bekitilgen kestege sáikes júrgizilýde.
