ۆيسە-مينيستر الىبەك جاماۋوۆ الماتى وبلىسىنىڭ تۇرعىندارىمەن كەزدەستى

Dalanews 31 مام. 2024 16:57 5215

ەنەرگەتيكا ۆيسە-مينيسترى الىبەك جاماۋوۆ جۇمىس ساپارىمەن الماتى وبلىسىندا بولىپ، قونايەۆ قالاسىنىڭ تۇرعىندارىمەن كەزدەستى. ۆيسە-مينيستر جىلۋ-ەنەرگەتيكا كومپلەكسىنىڭ اعىمداعى جاعدايى تۋرالى ايتىپ بەردى. قالا تۇرعىندارى جىلۋمەن قامتۋ، گازبەن قامتۋ جانە جەو-داعى جوندەۋ جۇمىستارىنىڭ بارىسى جونىندەگى سۇراقتارىنا جاۋاپ الدى،  دەپ حابارلايدى Dalanews.kz. 

كەزدەسۋ بارىسىندا ۆيسە-مينيستر الماتى وبلىسى جاڭارتىلاتىن ەنەرگيا كوزدەرىن دامىتۋدىڭ جوعارى الەۋەتىنە يە ەكەنىن اتاپ ءوتتى. بۇگىنگى تاڭدا ءوڭىر رەسپۋبليكادا جەك قۋاتى بويىنشا 2 ورىن الادى نەمەسە 23 وبەكتى وندىرەتىن 371،4 مۆت، ونىڭ ىشىندە 10 جەس قۋاتى 146،5 مۆت، 7 گەس قۋاتى 64،62 مۆت، 6 كۇن ەلەكتر ستانسياسى قۋاتى 160،35 مۆت. قۋاتى 14،9 مۆت بولاتىن 1 نىساننىڭ قۇرىلىسى 2027 جىلعا دەيىن جوسپارلانۋدا.

ۆيسە-مينيستر تۇرعىندارمەن وبلىستى ودان ءارى گازداندىرۋ جوسپارلارىمەن ءبولىستى.

«بۇگىنگى تاڭدا الماتى وبلىسىن گازداندىرۋ دەڭگەيى (01.01.2024 ج.جاعداي بويىنشا) 72،3% نەمەسە شامامەن 1،1 ملن. ادام تابيعي گازعا قول جەتكىزە الادى. 2024 جىلى ەنەرگەتيكا مينيسترلىگىنىڭ بيۋدجەتتىك باعدارلاماسى شەڭبەرىندە 9 جوبانى (5 جالعاسىپ جاتقان، 4 جاڭا) ىسكە اسىرۋعا 2،4 ملرد. تەڭگە مولشەرىندە قاراجات بولىنەتىن بولادى. 2024 جىلعى 15 ناۋرىزىندا ۇلتتىق قۇرىلتاي وتىرىسىندا بەرىلگەن پرەزيدەنتتىڭ تاپسىرمالارىن ورىنداۋ شەڭبەرىندە 12 جوبانى ىسكە اسىرۋعا قوسىمشا 6،9 ملرد.تەڭگە ءبولىندى (5 جالعاسۋدا، 7 جاڭا). 2024 جىلدىڭ قورىتىندىسى بويىنشا 13 ەلدى مەكەندى نەمەسە شامامەن 29 مىڭ ادامدى گازبەن قامتاماسىز ەتۋ جوسپارلانۋدا»،- دەدى الىبەك جاماۋوۆ.

سونىمەن قاتار، ەنەرگەتيكا ۆيسە-مينيسترى دالا جۇمىستارىن جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەرگە ديزەل وتىنىن جەتكىزۋ، ءوڭىردى ججم مەن سۇيىتىلعان مۇناي گازىنىڭ قاجەتتى قورلارىمەن قامتاماسىز ەتۋ ماسەلەلەرىن قوزعادى. كەزدەسۋگە كەلگەن وبلىس تۇرعىندارى «الاتاۋ جارىق كومپانياسى» اق بالانسىنا جاڭا ەلەكتر جەلىلەرىن قابىلداۋ، ەلدى مەكەندەردى گازداندىرۋ سياقتى وزدەرىن تولعاندىرعان سۇراقتارعا جاۋاپ الدى. سونداي-اق، ازاماتتاردى جەكە ماسەلەلەرى بويىنشا قابىلداۋ ءوتتى.

جۇمىس ساپارى بارىسىندا ەنەرگەتيكا ۆيسە-مينيسترى الماتى جەو-3-كە بارىپ، جۇرگىزىلىپ جاتقان جوندەۋ جۇمىستارىنىڭ بارىسىمەن تانىستى جانە جۇمىستى جىلىتۋ ماۋسىمى باستالعانعا دەيىن ۋاقىتىندا جانە ساپالى ورىنداۋدى تاپسىردى. قازىرگى ۋاقىتتا جەو-داعى جۇمىستار بەكىتىلگەن كەستەگە سايكەس جۇرگىزىلۋدە.


ۇسىنىلعان
سوڭعى جاڭالىقتار