Energetika ministrliginde ótken brifing barysynda BAQ ókilderi vitse-ministrden vedomstvo atom energetikasy salasyndaǵy kadrlar tapshylyǵy máselesin qalai sheship jatqanyn surady. Nurmaǵanbetov elimizde AES salynatynyna nemese salynbaitynyna qaramastan kadrlar daiarlanyp jatqanyn aitty.
"Qazaqstan – ýran derjavasy, iaǵni biz ýran óndiremiz, bizde atom reaktorlary, iadrolyq meditsina bar. Bizde Almatyda, Kýrchatovta jumys isteitin institýttar bar, onda atom salasynda jumys isteitin, iaǵni baiytý máselelerimen ainalysatyn adamdar kóp. Sondyqtan atom elektr stantsiiasy salynsa da, salynbasa da, bizge mamandar qajet, kadrlardy daiarlaý júrip jatyr", - dedi vitse-ministr.
Sondai-aq, vitse-mintstr Qazaqstanda birneshe eldermen – Resei, Koreia jáne Vengriiamen tiisti kelisimderge qol qoiylǵanyn atap ótti.
"Atom elektr stantsiiasyn salý kezinde sheteldikterdi tartý máselesine kelsek, árine onsyz bolmaidy. Óitkeni reaktorlardy júrgizý tájiribesi sanaýly elderde bar, sondyqtan birinshi kezeńde qurylys salýshy jergilikti kadrlardy oqytýdy jáne qaýipsiz paidalanýdy qamtamasyz etedi", - dedi ol.
