ەنەرگەتيكا مينيسترلىگىندە وتكەن بريفينگ بارىسىندا ب ا ق وكىلدەرى ۆيسە-مينيستردەن ۆەدومستۆو اتوم ەنەرگەتيكاسى سالاسىنداعى كادرلار تاپشىلىعى ماسەلەسىن قالاي شەشىپ جاتقانىن سۇرادى. نۇرماعانبەتوۆ ەلىمىزدە اەس سالىناتىنىنا نەمەسە سالىنبايتىنىنا قاراماستان كادرلار دايارلانىپ جاتقانىن ايتتى.
"قازاقستان – ۋران دەرجاۆاسى، ياعني ءبىز ۋران وندىرەمىز، بىزدە اتوم رەاكتورلارى، يادرولىق مەديسينا بار. بىزدە الماتىدا، كۋرچاتوۆتا جۇمىس ىستەيتىن ينستيتۋتتار بار، وندا اتوم سالاسىندا جۇمىس ىستەيتىن، ياعني بايىتۋ ماسەلەلەرىمەن اينالىساتىن ادامدار كوپ. سوندىقتان اتوم ەلەكتر ستانسياسى سالىنسا دا، سالىنباسا دا، بىزگە ماماندار قاجەت، كادرلاردى دايارلاۋ ءجۇرىپ جاتىر"، - دەدى ۆيسە-مينيستر.
سونداي-اق، ۆيسە-مينتستر قازاقستاندا بىرنەشە ەلدەرمەن – رەسەي، كورەيا جانە ۆەنگريامەن ءتيىستى كەلىسىمدەرگە قول قويىلعانىن اتاپ ءوتتى.
"اتوم ەلەكتر ستانسياسىن سالۋ كەزىندە شەتەلدىكتەردى تارتۋ ماسەلەسىنە كەلسەك، ارينە ونسىز بولمايدى. ويتكەنى رەاكتورلاردى جۇرگىزۋ تاجىريبەسى ساناۋلى ەلدەردە بار، سوندىقتان ءبىرىنشى كەزەڭدە قۇرىلىس سالۋشى جەرگىلىكتى كادرلاردى وقىتۋدى جانە ءقاۋىپسىز پايدالانۋدى قامتاماسىز ەتەدى"، - دەدى ول.
