Óitkeni, qazir qazaq tili damýdan qalyp barady. Meniń balam da qyzmetine qajet bolǵandyqtan Germaniiaǵa baryp, bir jyldyń ishinde nemis tilin úirenip aldy. Nanyn jep júrmegen soń, óz basym o basta mamandanǵan arab tilin búginde kerek etpeimin de. Óitkeni, nesibe ózge saladan buiyrdy. Sondyqtan bizdiń barlyǵymyzǵa da birinshi kezekte qazaq tili qajet!
Qazaqtyń tili damyǵan kezde bizdiń ázilimiz de damidy, astarlap aitqan oiymyzdy kórermen túsine alatyn dárejege jetedi. Jasyratyny joq, biz Petropavlǵa, Qostanaiǵa, Pavlodarǵa gastrolmen barmaityn boldyq. Bir joly barǵanymyzda qazaq tilinde bir aýyz sóz bilmeitin máńgúrtterge qor bolǵanbyz. Óitkeni, ol jerdiń qazaǵyna «sen qazaqsyń» dep aityp dáleldei almaisyz. Qostanai men Pavlodarda sahnada turǵanymda osy áńgimeni aityp edim, jergilikti qalamgerleri qapa boldy. Ahmet Baitursynov, Sultanmahmut Toraiǵyrov shyqqan ólkeniń qaýymy ana tilin bilmeidi, qazaqsha ázildeseń túsinbeidi.
Qostanaida páter jaldap turǵanymda túnde jaryq óship qalyp, teledidardan fýtbol matchyn kóre almai júikem juqardy. Tańerteń pátershiniń qyzy men balasy kelip edi, solarǵa jaryqtyń óshkenin qazaqsha túsindire almadym. Onysymen turmai betime qarap «vot, kazahi!» deidi kemsitip. «Ái, sen sonda qazaq emessiń be?!» dep odan saiyn namysym qozdy. Anaý-mynaýǵa kóterile qoimaityn Júsiptiń ózi qalshyldap ketti. Sodan anasyn shaqyrttyq. Sóitsek, ol da shala qazaq bireý eken. Odan saiyn júikemiz juqaryp «sizdiń anańyz bar ma?» deýge májbúr boldyq. Birinen biri ótken máńgúrtter qazaqsha bir aýyz sóz bilmeidi. Ana tilin bilmegenine namysy qozyp otyrǵan eshkim joq, tek aqshańdy alyp ketse boldy. Sondyqtan Atyraý, Aqtaý, Aqtóbe, Qyzylorda, Jambyl, Taldyqorǵan jaqqa aptalap, ailap gastrolge shyǵamyz. Ol jaqtyń qazaqtary bizdi tóbesine kóterip, qurmetteidi.
Ýálibek Ábdiraimov,
«Shanshar» ázil-syqaq teatrynyń direktory
Derekkóz: baq.kz
