ShQO-da volonterlik qozǵalys qarqyndy damyp keledi. 2024 jyly 685 volonterlik is-shara ótkizilip, olarǵa 5,2 myńnan astam adam qatysty. Bul týraly ShQO Ishki saiasat basqarmasynyń «Jastar resýrstyq ortalyǵy» KMM direktory, oblystyq front-ofis jetekshisi Aidos Ádilbekov Óńirlik kommýnikatsiialar qyzmeti ótkizgen brifingte málim etti, - dep habarlaidy Dalanews.kz
Qys mezgilinde aýa raiynyń kúrt sýytýyna bailanysty áleýmettik kómekke muqtaj azamattarǵa qoldaý kórsetý maqsatynda 50-den astam qaiyrymdylyq aktsiiasy uiymdastyryldy. Ekologiia salasyndaǵy bastamalar da erekshe nazarda. «Taza Qazaqstan» aktsiiasy aiasynda volonterler Óskemendegi Qazaqstan taýynda 600 kóshet otyrǵyzdy. Sonymen qatar, Ulan aýdanynyń Asýbulaq orman sharýashylyǵynda 22 myńnan astam aǵash kósheti egildi. Jalpy, bul aktsiia sheńberinde 280-nen astam is-shara ótkizilip, nátijesinde 19 tonnadan astam qoqys jinaldy.
Sáýir aiynda tabiǵi apattan zardap shekken Soltústik Qazaqstan oblysynyń turǵyndaryna 20 tonnadan astam gýmanitarlyq kómek jóneltildi. Bul — óńir turǵyndarynyń birligi men janashyrlyǵynyń naqty kórinisi. Qiyn sátte kómek kórsetý — halyqtyń áleýmettik jaýapkershiligin aiqyn kórsetedi.
Biyl oblys aýmaǵynda 2024–2026 jyldarǵa arnalǵan volonterlikti damytý jáne qoldaý jónindegi Jol kartasy bekitildi. Qujattyń maqsaty — volonterlik qyzmetti tiimdi uiymdastyryp, oǵan qoldaý kórsetýge baǵyttalǵan naqty sharalardy júzege asyrý. Glýbokov jáne Zaisan aýdandarynda volonterlik bastamalardy qoldaý maqsatynda jalpy somasy 3,5 million teńgege jýyq áleýmettik jobalar júzege asyryldy.
Sonymen qatar, óńirde volonterlik qyzmetti nasihattaý belsendi túrde júrgizilýde. Esepti kezeńde teledidar, gazetter men áleýmettik jelilerdi qosa alǵanda, buqaralyq aqparat quraldarynda 750-den astam material jariialandy.
Óńirdiń damýyna volonterlerdiń sińirgen eńbegin baǵalamaý múmkin emes. Búgingi kúni oblys aýmaǵynda 37 úkimettik emes uiym men 13 bastamashyl top quramynda 2 myńnan astam erikti jumys isteidi. Olardyń belsendiligi men iske degen adaldyǵy — myqty ári birikken qoǵam qalyptastyrýdyń negizi.
