Aýqymdy sharaǵa Astana, Almaty, Aqtóbe, Qyzylorda, Pavlodar, Óskemen jáne Semei qalalarynan kelgen elimizdiń 23 jetekshi joǵary oqý orny qatysyp otyr, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Kórmeniń basty maqsaty – mektep bitirýshi túlekterge joǵary bilim berý múmkindikteri týraly keń aqparat usyný, kásibi baǵdar berý jáne jetekshi oqý oryndarymen tikelei bailanys ornatý.
Abai oblysy ákimdigi men bilim basqarmasynyń qoldaýymen ótip jatqan kórme eki kúnge sozylady. Kórmeniń uiymdastyrýshysy – Vipusknik.kz respýblikalyq internet-portaly.
Kórmeniń ashylýynda Abai oblysy ákiminiń orynbasary Jasulan Sársebaev oqý orny ókilderine alǵys bildirip, bilim kórmesiniń mańyzdylyǵyna toqtaldy. Qatysýshy jetekshi joǵary oqý ornynyń ókilderine alǵys hattar tabystady.
- Bul kórme – túlekterge óz bolashaǵyn durys josparlaýǵa, elimizdiń úzdik joǵary oqý oryndarynyń múmkindikterimen tanysýǵa berilgen biregei múmkindik. Mundai bastamalar aimaqtaǵy bilim sapasyn arttyrýǵa, talapkerlerdiń kásibi baǵdaryn aiqyndaýǵa zor úles qosady, - dedi Jasulan Sársebaev.
Kórme barysynda talapkerler ýniversitet ókilderimen kezdesip, oqý baǵdarlamalary, mamandyqtar jáne qabyldaý sharttary týraly aqparat alady. Sondai-aq Semei qalasynyń 59 mektebinen 9 myńǵa jýyq oqýshynyń qatysýy josparlanǵan. Budan bólek, oblystyń 100 aýdan mektebiniń oqýshylaryna arnalǵan Zoom konferentsiiasy uiymdastyrylyp, 10 500-den astam túlektiń qatysýyna múmkindik beriledi.
