Jańa kitaphanada qazaq, orys, aǵylshyn tilderindegi túrli janrdaǵy halyqaralyq dárejede moiyndalǵan 350-den astam týyndy qoiylǵan. Naqtyraq aitqanda, sórede Elbasy N.Á.Nazarbaevtyń barlyq kitaptary jáne ádebi, detektivti, tarihi, psihologiialyq, trillerler, fantastika jáne taǵy basqa da janrda jazylǵan basylymdar bar.
Ishki saiasat basqarmasy men óńirlik kommýnikatsiialar qyzmeti uiytqy bolýymen qolǵa alynǵan kitaphanada arnaiy «VIP ZHETYSU» ziiatkerlik klýby jumys isteidi. Onda shyǵarmashyl adamdar tyń ideialarymen bólisip, júzege asyra alady.
Atalmysh kitiphanada belgili telejúrgizýshi, «Jetisý» telearnasynyń direktory Beisen Quranbek, «Asar» ońaltý ortalyǵynyń direktory, «Qazaqstandaǵy 100 jańa esim» jobasynyń qatysýshysy Eldos Baialyshbaev jáne tanymal bloger Qairat Ábdirahman siiaqty tanymal azamattar shaqyrylyp, óz oilary men qatar is-tájiribelerimen bólisken bolatyn.
Bul klýbtyń tórtinshi qonaǵy – Almaty oblysy ákiminiń orynbasary Jaqsylyq Omar.
Áleýmettik salaǵa jaýapty ákim orynbasary kitap oqýdy úshinshi synyptan bastaǵan. Qazirgi tańda Muhtar Maǵaýinnyń «Shyńǵys han» atty derekti tarihi romanyn oqyp júrgenin aitty. Sonymen qatar Muhtar Áýezovtyń «Abai joly» romanyn ekinshi qaitara oqýǵa kirisken. Búgingi kezdesýde súiikti aqyn-jazýshylaryn da atady. Olar qazaq ádebietiniń jańashyl dara jazýshysy Oralhan Bókei, aqiyq aqyn Muqaǵali Maqataev. Al qazirgi aqyndardan Qalqaman Sarinnyń poeziiasyna yntyq.
Sondai-aq oblys ákiminiń orynbasary óziniń kózqarasyn ózgertken kitaptarmen de bólisti. Ol Shoqan Ýálihanov, Daniel Defo shyǵarmalaryn erekshe atap ótti.
– Shoqan Ýálihanovtyń kitabynyń arqasynda geografiiaǵa degen súiispenshiligim artyp, tereńirek zerttei bastadym. Meniń oiymsha kez kelgen kitaptyń paidasy bar. «Oqý ziian emes, oqymaǵan ziian», – deidi Jaqsylyq Omar.
Sondai-aq dástúr boiynsha alty Alashqa aty máshhúr, áigili jazýshy Muhtar Maǵaýinniń «Shyńǵys han» kitabyn kitaphana oqyrmandary úshin syiǵa tartty.
Baljan JUMANBEKOVA, Almaty oblysy.
