الماتى وبلىسىنىڭ جۋرناليستەر ۇيىندە ءبىلىم بەرۋ، الەۋمەتتىك جانە مادەني شارالار وتكىزىلەتىن ارنايى كىتاپحانا بار. بۇل الاڭ جاستاردى كىتاپ وقۋعا شابىتتاندىرىپ، تانىم كوكجيەگىن كەڭەيتۋگە باعىتتالعان.

جاڭا كىتاپحانادا قازاق، ورىس، اعىلشىن تىلدەرىندەگى ءتۇرلى جانرداعى حالىقارالىق دارەجەدە مويىندالعان 350-دەن استام تۋىندى قويىلعان. ناقتىراق ايتقاندا، سورەدە ەلباسى ن.ءا.نازاربايەۆتىڭ بارلىق كىتاپتارى جانە ادەبي، دەتەكتيۆتى، تاريحي، پسيحولوگيالىق، تريللەرلەر، فانتاستيكا جانە تاعى باسقا دا جانردا جازىلعان باسىلىمدار بار.

ىشكى ساياسات باسقارماسى مەن وڭىرلىك كوممۋنيكاسيالار قىزمەتى ۇيىتقى بولۋىمەن قولعا الىنعان كىتاپحانادا ارنايى «VIP ZHETYSU» زياتكەرلىك كلۋبى جۇمىس ىستەيدى. وندا شىعارماشىل ادامدار تىڭ يدەيالارىمەن ءبولىسىپ، جۇزەگە اسىرا الادى.

اتالمىش كىتىپحانادا بەلگىلى تەلەجۇرگىزۋشى، «جەتىسۋ» تەلەارناسىنىڭ ديرەكتورى بەيسەن قۇرانبەك، «اسار» وڭالتۋ ورتالىعىنىڭ ديرەكتورى، «قازاقستانداعى 100 جاڭا ەسىم» جوباسىنىڭ قاتىسۋشىسى ەلدوس بايالىشبايەۆ جانە تانىمال بلوگەر قايرات ءابدىراحمان سياقتى تانىمال ازاماتتار شاقىرىلىپ، ءوز ويلارى مەن قاتار ىس-تاجىريبەلەرىمەن بولىسكەن بولاتىن.

بۇل كلۋبتىڭ ءتورتىنشى قوناعى – الماتى وبلىسى اكىمىنىڭ ورىنباسارى جاقسىلىق ومار.

– مۇنداي ورىننىڭ اشىلۋى – بۇل وتە جاقسى يدەيا. بۇل كىتاپحانادا اركىمنىڭ قولى جەتە بەرمەيتىن كىتاپتار بار ەكەن، ەش قيىندىقسىز كىتاپ وقۋعا بارلىق جاعداي جاسالىنعان جانە ءبىز سياقتى كوبىنە جۇمىس بابىمەن قولى تيە بەرمەيتىن ادامدار ءۇشىن شىعارماشىل ادامدارمەن، ونىڭ ىشىندە وقىرماندارمەن كەزدەسكەن ءبىز ءۇشىن رۋحاني ازىق بولادى، – دەدى.

الەۋمەتتىك سالاعا جاۋاپتى اكىم ورىنباسارى كىتاپ وقۋدى ءۇشىنشى سىنىپتان باستاعان. قازىرگى تاڭدا مۇحتار ماعاۋيننىڭ «شىڭعىس حان» اتتى دەرەكتى تاريحي رومانىن وقىپ جۇرگەنىن ايتتى. سونىمەن قاتار مۇحتار اۋەزوۆتىڭ «اباي جولى» رومانىن ەكىنشى قايتارا وقۋعا كىرىسكەن.  بۇگىنگى كەزدەسۋدە سۇيىكتى اقىن-جازۋشىلارىن دا اتادى. ولار قازاق ادەبيەتىنىڭ جاڭاشىل دارا جازۋشىسى ورالحان بوكەي، اقيىق اقىن مۇقاعالي ماقاتايەۆ. ال قازىرگى اقىنداردان قالقامان ساريننىڭ پوەزياسىنا ىنتىق.

سونداي-اق وبلىس اكىمىنىڭ ورىنباسارى ءوزىنىڭ  كوزقاراسىن وزگەرتكەن كىتاپتارمەن دە ءبولىستى. ول شوقان ءۋاليحانوۆ، دانيەل دەفو شىعارمالارىن ەرەكشە اتاپ ءوتتى.

– شوقان ءۋاليحانوۆتىڭ كىتابىنىڭ ارقاسىندا گەوگرافياعا دەگەن سۇيىسپەنشىلىگىم ارتىپ، تەرەڭىرەك زەرتتەي باستادىم. مەنىڭ ويىمشا كەز كەلگەن كىتاپتىڭ پايداسى بار. «وقۋ زيان ەمەس، وقىماعان زيان»، – دەيدى جاقسىلىق ومار.

سونداي-اق ءداستۇر بويىنشا  التى الاشقا اتى ءماشhءۇر، ايگىلى جازۋشى مۇحتار ءماعاۋيننىڭ «شىڭعىس حان» كىتابىن كىتاپحانا وقىرماندارى ءۇشىن  سىيعا تارتتى.

بالجان جۇمانبەكوۆا، الماتى وبلىسى.