Vetnam Komýnıstik partıasy Ortalyq komıtetiniń bas hatshysy To Lam Astanadaǵy áskerı paradqa qatysady, dep habarlaıdy Dalanews.kz.
"Saltanatty is-sharaǵa elimizge memlekettik saparmen kelgen Vetnam Komýnıstik partıasy Ortalyq komıtetiniń Bas hatshysy To Lam qatysady", - dep jazylǵan habarlamada.
Áskerı sherý saǵat 10.45-ten bastap elordada jáne barlyq oblys ortalyǵynda LED-ekrandar men respýblıkalyq telearnalardan, sondaı-aq Facebook, YouTube, Telegram áleýmettik jelilerindegi Aqordanyń resmı paraqshalarynan tikeleı efırde kórsetiledi.