QR Qarjy vitse-ministri Dáýren Keńbeil biyl
22-24 sáýir aralyǵynda Vashingtonda (AQSh) Halyqaralyq Valiýta Qory (HVQ) men Dúniejúzilik banktiń (DB) kóktemgi kezdesýlerine qatysty.
Qazaqstandyq delegatsiia quramynda bolǵan Qarjy vitse-ministri HVQ-da Qazaqstannan balama basshy retinde HVQ Shveitsarlyq toptyń jinalysyna qatysyp, sondai-aq HVQ Basqarýshy direktorynyń orynbasary Bo Limen kezdesti. Kún tártibinde ekonomika jáne damý, álemdik ekonomikanyń qazirgi ózekti máselelerin sheshýge bailanysty halyqaralyq yntymaqtastyqty keńeitý máseleleri qaraldy.
Resmi is-sharalardyń barysynda Dáýren Maratuly negizgi halyqaralyq qarjy institýttary men iri investitsiialyq kompaniialardyń basshylyǵymen birqatar ekijaqty kezdesý ótkizdi. Onda Qazaqstandaǵy ekonomikalyq áriptestikti damytý men reformalardy iske asyrý máselelerine erekshe nazar aýdaryldy.
DB-tyń Eýropa men Ortalyq Aziia boiynsha vitse-prezidenti Antonella Bassanimen áriptestiktiń 2026-2030 jyldarǵa arnalǵan jańa elaralyq strategiiasyn daiyndaý sheńberinde Qazaqstan Respýblikasy Úkimetiniń aldaǵy 5 jylǵa arnalǵan basymdyqtary, sonymen birge birlesken perspektivaly jobalardy iske asyrý joldary pysyqtaldy.
Buǵan qosa D.Keńbeil Kópjaqty investitsiialyq kepildik agenttiginiń operatsiialar jónindegi vitse-prezidenti Djýnaid Kamal Ahmadpen jáne Halyqaralyq qarjy korporatsiiasynyń aimaqtyq direktory Vebke Shlomermen (DB tobyna kiredi) kelissózder júrgizdi.
Taraptar ózara tiimdi qarym-qatynasty keńeitýge ári jobalardy belsendi iske asyrýǵa múddeli ekenderin jetkizdi.
Al DB Qazynashylyqtyń kapital naryqtary jáne investitsiialar jónindegi direktory Djordj Richardsonmen ótken kezdesýde zaim alý qunyn tómendetýdiń, DB-tiń qarjy quraldaryn, onyń ishinde ulttyq valiýtada qarjylandyrýdyń ózekti máseleleri qaraldy.
Budan bólek JP Morgan, Morgan Stanley, Fidelity Investment, Artisan Partners jáne Schofield Group ókilderimen bolǵan kezdesýlerde qarjy naryqtarynyń halyqaralyq ahýaly jaily aityldy.
S&P jáne Fitch jetekshi halyqaralyq reitingtik agenttikteriniń ókilderimen kelissózder sheńberinde taraptar makroekonomikalyq ahýal men Qazaqstanda júrgizilip jatqan ekonomikalyq reformalar, halyqaralyq qarjy naryqtarynda qalyptasqan jaǵdai boiynsha pikir alysty.
