ق ر قارجى ۆيسە-مينيسترى داۋرەن كەڭبەيل بيىل
22-24 ءساۋىر ارالىعىندا ۆاشينگتوندا (اقش) حالىقارالىق ۆاليۋتا قورى (حۆق) مەن دۇنيەجۇزىلىك بانكتىڭ (دب) كوكتەمگى كەزدەسۋلەرىنە قاتىستى.
قازاقستاندىق دەلەگاسيا قۇرامىندا بولعان قارجى ۆيسە-مينيسترى حۆق-دا قازاقستاننان بالاما باسشى رەتىندە حۆق شۆەيسارلىق توپتىڭ جينالىسىنا قاتىسىپ، سونداي-اق حۆق باسقارۋشى ديرەكتورىنىڭ ورىنباسارى بو ليمەن كەزدەستى. كۇن تارتىبىندە ەكونوميكا جانە دامۋ، الەمدىك ەكونوميكانىڭ قازىرگى وزەكتى ماسەلەلەرىن شەشۋگە بايلانىستى حالىقارالىق ىنتىماقتاستىقتى كەڭەيتۋ ماسەلەلەرى قارالدى.
رەسمي ءىس-شارالاردىڭ بارىسىندا داۋرەن مارات ۇلى نەگىزگى حالىقارالىق قارجى ينستيتۋتتارى مەن ءىرى ينۆەستيسيالىق كومپانيالاردىڭ باسشىلىعىمەن ءبىرقاتار ەكىجاقتى كەزدەسۋ وتكىزدى. وندا قازاقستانداعى ەكونوميكالىق ارىپتەستىكتى دامىتۋ مەن رەفورمالاردى ىسكە اسىرۋ ماسەلەلەرىنە ەرەكشە نازار اۋدارىلدى.
دب-تىڭ ەۋروپا مەن ورتالىق ازيا بويىنشا ۆيسە-پرەزيدەنتى انتونەللا باسسانيمەن ارىپتەستىكتىڭ 2026-2030 جىلدارعا ارنالعان جاڭا ەلارالىق ستراتەگياسىن دايىنداۋ شەڭبەرىندە قازاقستان رەسپۋبليكاسى ۇكىمەتىنىڭ الداعى 5 جىلعا ارنالعان باسىمدىقتارى، سونىمەن بىرگە بىرلەسكەن پەرسپەكتيۆالى جوبالاردى ىسكە اسىرۋ جولدارى پىسىقتالدى.
بۇعان قوسا د.كەڭبەيل كوپجاقتى ينۆەستيسيالىق كەپىلدىك اگەنتتىگىنىڭ وپەراسيالار جونىندەگى ۆيسە-پرەزيدەنتى دجۋنايد كامال احمادپەن جانە حالىقارالىق قارجى كورپوراسياسىنىڭ ايماقتىق ديرەكتورى ۆەبكە شلومەرمەن (دب توبىنا كىرەدى) كەلىسسوزدەر جۇرگىزدى.
تاراپتار ءوزارا ءتيىمدى قارىم-قاتىناستى كەڭەيتۋگە ءارى جوبالاردى بەلسەندى ىسكە اسىرۋعا مۇددەلى ەكەندەرىن جەتكىزدى.
ال دب قازىناشىلىقتىڭ كاپيتال نارىقتارى جانە ينۆەستيسيالار جونىندەگى ديرەكتورى دجوردج ريچاردسونمەن وتكەن كەزدەسۋدە زايم الۋ قۇنىن تومەندەتۋدىڭ، ءدب-تىڭ قارجى قۇرالدارىن، ونىڭ ىشىندە ۇلتتىق ۆاليۋتادا قارجىلاندىرۋدىڭ وزەكتى ماسەلەلەرى قارالدى.
بۇدان بولەك JP Morgan، Morgan Stanley، Fidelity Investment، Artisan Partners جانە Schofield Group وكىلدەرىمەن بولعان كەزدەسۋلەردە قارجى نارىقتارىنىڭ حالىقارالىق احۋالى جايلى ايتىلدى.
S&P جانە Fitch جەتەكشى حالىقارالىق رەيتينگتىك اگەنتتىكتەرىنىڭ وكىلدەرىمەن كەلىسسوزدەر شەڭبەرىندە تاراپتار ماكروەكونوميكالىق احۋال مەن قازاقستاندا جۇرگىزىلىپ جاتقان ەكونوميكالىق رەفورمالار، حالىقارالىق قارجى نارىقتارىندا قالىپتاسقان جاعداي بويىنشا پىكىر الىستى.
