Sonymen, oblystardyń, Almaty, Nur-Cultan, Shymkent qalalarynyń ákimderine, ortalyq memlekettik organdar, quqyq qorǵaý jáne arnaıy organdar, "Atameken" UKP (kelisý boıynsha), ulttyq kompanıalarǵa, menshik nysanyna qaramastan zańdy tulǵalarǵa mynany qamtamasyz etý buıyrylady:
1) vaksınasıalanbaǵan jumyskerlerin jumystan shekteý (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) (7 kúnde 1 ret) nemese mindetti PTR-testileý qajet, atap aıtqanda mynandaı nysandarda:
- qyzmet kórsetý jónindegi obektilerdiń (halyqqa qyzmet kórsetý ortalyqtary (HQKO), "Qazposhta" AQ bólimsheleri, ekinshi deńgeıdegi bankter, qarjy naryǵynyń obektileri, saqtandyrý kompanıalary, jyljymaıtyn múlik jónindegi agenttikter, jarnama agenttikteri, aıyrbastaý pýnktteri, lombardtar, sulýlyq salondary, shashtarazdar, hımıalyq tazalaý oryndary, kir jýý oryndary, fıtnes, sport keshenderi, sporttyq-saýyqtyrý ortalyqtary, SPA jáne massaj salondary/ortalyqtary/kabınetteri, monshalar, saýnalar, baseınder, jaǵajaılar, tıpografıalyq kórsetiletin qyzmetter, tigin atelesi, fotosalondar, aıaq kıim sheberhanalary, gúl dúkenderiniń, aıaq-kıim, kıim jóndeý, uıymdastyrý tehnıkasyn jóndeý jónindegi servıs, advokat, notarıýs, býhgalter jáne konsaltıń, manıkúr jáne pedıkúr, kosmetologıalyq qyzmetterdi kórsetý jónindegi obektiler, ózge de obektiler);
- halyq tutynatyn ónimderdiń jáne taýarlardyń kóterme jáne bólshek saýdasy (saqtaý) obektileriniń, onyń ishinde bazarlardyń, saýda úıleriniń, saýda jelileriniń, saýda-oıyn-saýyq ortalyqtarynyń, dúkenderdiń, shaǵyn marketterdiń, sýpermarketterdiń, gıpermarketterdiń;
- mádenıet jáne demalys obektileriniń (mýzeıler, mýzeı-qoryqtar, kitaphanalar, konserttik uıymdar, fılarmonıalar, teatrlar, kınoteatrlar, konsert zaldary, klýbtar, galereıalar, kórmeler, sırkter jáne basqa da mádenı-demalys uıymdary);
- halyqtyń turýy boıynsha qyzmetter kórsetý salasyndaǵy obektilerdiń (qonaq úıler, otelder, hostelder, motelder, jataqhanalar, kempıngter jáne taǵy basqalar);
jolaýshylar tasymalyn júzege asyratyn uıymdardyń, áýejaılardyń, temirjol, avtomobıl jáne sý vokzaldarynyń, ózen jáne teńiz porttarynyń, avtostansıalar/avtoótpe joldarynyń, jolaýshylarǵa qyzmet kórsetý pýnktteriniń;
- bilim berý jáne tárbıeleý uıymdarynyń, onyń ishinde bilim berý damytý jáne túzetý ortalyqtarynyń (eresekter men balalarǵa arnalǵan), oqý-óndiristik kombınattardyń jáne basqa da mektepten tys uıymdardyń;
- sanatorıı-kýrorttyq jáne saýyqtyrý maqsatyndaǵy obektilerdiń (sanatorııler, demalys úıleri/bazalary/aımaqtary, profılaktorııler, balalardyń saýyqtyrý lagerleri (mektep janyndaǵy, qala syrtyndaǵy), týrısik bazalar jáne basqalar);
- qoǵamdyq tamaqtaný obektileriniń, onyń ishinde uıymdasqan ujymdarda ornalasqan, sondaı-aq tamaq jetkizýdi júzege asyratyn obektilerdiń, strıt-fýdtardyń;
- barlyq úlgidegi medısınalyq-áleýmettik obektilerdiń (qarttar, múgedekter úıleri, sábıler úıleri jáne basqalary);
- densaýlyq saqtaý uıymdarynyń, onyń ishinde zerthanalardyń;
- dárihana uıymdarynyń;
- tirshilikti qamtamasyz etý jáne komýnaldyq sharýashylyq obektileriniń (sýmen jabdyqtaý, jylýmen jabdyqtaý, elektrmen jabdyqtaý, aýmaqtardy jınaý jáne qaldyqtardy shyǵarý, úı-jaılar men aýmaqtardy dezınfeksıalyq óńdeý boıynsha uıymdar, avarıalyq-qutqarý qyzmetteri, PIK jáne MIB jáne basqalary);
- ekskýrsıalyq qyzmet kórsetetin uıymdardyń;
- demalys obektileriniń, oıyn-saýyq oıyn obektileriniń (kompúterlik klýbtar, bılárd zaldary, boýlıńter, oıyn-saýyq ortalyqtary/saıabaqtary, atraksıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar);
- baılanys jáne telekomýnıkasıa obektileriniń;
2) osy qaýlynyń 6-1-tarmaǵynyń 1) tarmaqshasynda kórsetilgen uıymdardyń vaksınasıalanbaǵan jumyskerleri úshin (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) (7 kúnde 1 ret) mindetti PTR-testileý.
Sonymen qatar, taǵy mynandaı sharalar qajet:
1) 2021 jylǵy 15 shildege deıingi merzimde (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) vaksınanyń birinshi komponentimen, al 2021 jylǵy 15 tamyzǵa deıingi merzimde COVID-19-ǵa vaksınanyń ekinshi komponentimen profılaktıkalyq egýler júrgizýdi uıymdastyrsyn;
2) profılaktıkalyq egýler júrgizý qajettiligine erekshe nazar aýdara otyryp, COVID-19 jańa koronavırýstyq ınfeksıasynyń proflaktıkasy máseleleri boıynsha jumyskerler arasynda aqparattyq-túsindirý jumysyn kúsheıtsin;
3) COVID-19-ǵa qarsy vaksınasıa almaǵan jumyskerler úshin (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) kózbe-kóz rejımde jumysqa jiberýdi shektesin.
Osy qaýly 2021 jylǵy 2 shildede saǵat 00-den bastap kúshine enedi.
