Úzdik edvaizerler anyqtaldy
Biyl úshinshi ret uiymdastyrylǵan baiqaýǵa institýttyq týrdan úzdik dep tanylǵan jeti edvaizer qatysty. Aitýly sharada QazUTÝ-diń Tárbie jumysy jónindegi prorektor Gúlnár Sársenbekova, Á. Mashani atyndaǵy Bazalyq bilim berý institýtynyń direktory Rát Berdibaev jáne Ishki aýdit departamenti direktorynyń orynbasary Gúlnara Myqtybaevalar qazylyq jasaǵanyn aita ketýimiz kerek.
Edvaizerler jumysyn qoldaý, tájiribe almasý jáne olardy yntalandyrý maqsatynda ótkizilgen bul sharada úzdikterdi anyqtaý ońai bolǵan joq. Kez kelgen edvaizer jan-jaqty bilimdi, bilikti, ónerli bolýy shart. Edvaizer – óz stýdentterin tek bilim, ǵylymǵa ǵana emes, sonymen qatar jan-jaqty tulǵa bolyp qalyptasýyna kúsh salatyny belgili. Sonymen, «Eń úzdik edvaizer – 2015» baiqaýynyń bas júldesi Aqparattyq jáne telekommýnikatsiialyq tehnologiialar institýtynyń edvaizeri – Saltanat Nuralyqyzyna buiyrdy. Birinshi oryndy Á. Búrkitbaev atyndaǵy Ónerkásiptik injeneriia institýtynyń edvaizeri – Sholpan Qabyjanqyzyna buiyrsa, ekinshi orynǵa Taý-ken metallýrgiia institýtynyń edvaizeri – Raisa Qulmahanqyzy qol jetkizdi. Al úshinshi orynǵa Ekonomika jáne biznes institýtynyń edvaizeri – Janar Seiilhanqyzy taban tiredi.
Ýniversitet rektorynyń qoldaýymen, Ǵylymi keńestiń sheshimine sáikes jyl saiyn «Eń úzdik edvaizer» baiqaýynyń júldegerlerine oqytýshy-professorlar quramyna differentsialdyq ústem aqy berilip otyrady. Ýniversitettiń qyzmetkerler kásipodaǵy baiqaýǵa qoldaý kórsetip, búgingi finaldyq saiysqa qatysqan barlyq edvaizerge jazǵy maýsymǵa ýniversitettiń Ystyqkólde ornalasqan «Samal» demalys úiine yntalandyrý joldamalaryn berdi.
Juldyz Baǵasharova, QazUTÝ-dyń baspasóz hatshysy
