Oljas Bektenov Qosshynyń bas josparymen jáne kópsalaly jańa aýrýhananyń qurylysymen tanysty, - dep habarlaidy Dalanews.kz.
Premer-ministr Oljas Bektenov Aqmola oblysyna jumys sapary aiasynda Qosshy qalasyn damytýdyń bas josparymen tanysyp, óńirde áleýmettik infraqurylym qurý boiynsha atqarylyp jatqan jumystardyń barysyn tekserdi. Aqmola oblysynyń ákimi Marat Ahmetjanov Premer-ministrdi óńirdiń áleýmettik-ekonomikalyq damýy týraly habardar etti.
Qazirgi ýaqytta qalada resmi túrde 59 myńǵa jýyq adam turady, bul rette baǵalaý derekteri boiynsha turǵyndardyń naqty sany 100 myńnan astam adamdy quraidy. 30 myń turǵynǵa eseptelgen injenerlik jelilerge aitarlyqtai úlken júkteme túsýde. Boljam boiynsha, halyq sany 2038 jylǵa qarai 150 myńǵa deiin ósedi.
Jańa bas jospar aýmaqty keńeitýdi, jańartylǵan qyzmet kórsetý aimaqtaryna bólýdi, sondai-aq injenerlik jáne kólik infraqurylymyn jańǵyrtýdy kózdeidi. Qosshy ákimi Azamat Qapyshev Úkimet basshysyna qalanyń turǵyn úi qoryn keńeitý, jańa áleýmettik jáne infraqurylymdyq nysandar ashý, saýyqtyrý aimaqtaryn damytý jáne taǵy basqa da josparlanǵan sharalar týraly baiandady. Jańa kóppáterli turǵyn úilerdiń qurylysyna 360 gektardan astam, jeke turǵyn úi qurylysyna 900 gektardan astam jer telimi bólingen. Sondai-aq 2038 jylǵa deiin 31 balabaqsha, 16 jalpy orta mektep, oblystyq aýrýhana jáne 7 emhana salý josparlanyp otyr.
Kommýnaldyq infraqurylymdy damytý jáne qosymsha qýattardy qurý maqsatynda jańa qazandyq, qosalqy elektr stansasy men EBJ, sýmen jabdyqtaý, tazartý qurylystary jáne basqa da nysandar salý kózdelgen. 2024 jyly «Sary-Arqa» magistraldy gaz qubyry arqyly qalany kógildir otynmen qamtý jumystary bastalyp, 2026 jyly aiaqtalady. Budan basqa, óndiristik jáne kommýnaldyq kásiporyndarǵa arnalǵan alańdar salynady. Ónerkásipti damytý jáne qalanyń soltústik-batys bóliginde jańa jumys oryndaryn qurý úshin jalpy aýdany 264 ga indýstriialyq aimaq ashý kózdelgen. Elordaǵa aparatyn jol salý josparlanýda.
Sonymen qatar saiabaqtar men jaiaý júrginshilerge arnalǵan gúlzarlardy abattandyrý, oiyn jáne sport nysandary bar balalardyń oiyn-saýyq jáne demalys saiabaǵyn ashý josparlanǵan. Jasyl jelekter otyrǵyzýǵa bólingen jalpy aýmaq 132,5 gektardy quraidy. Ákimshilik ǵimarattar, ortalyq stadion, muz saraiy, dene shynyqtyrý-saýyqtyrý keshenderi, mádeniet úileri, jańa neke saraiy, oqýshylar saraiy, teatr, balalar men jasóspirimder sport mektebin salý úshin aýmaqtar qarastyrylǵan.
Kúrdeli máselelerdi sheshýge erekshe kóńil bólindi.
Atap aitqanda, Premer-ministr jańa órt sóndirý deposy qurylysynyń barysymen tanysty. 4 jyldan keiin jumystyń tek 60%-y aiaqtalǵan. Alaida, merdiger uiym qarjylandyrýdyń jetkiliksiz ekeni týraly habarlaǵan. Shart boiynsha zamanaýi qondyrǵylarmen jabdyqtalǵan nysan qurylysyna 1,2 mlrd teńgege jýyq qarajat bólindi. Oljas Bektenov qosymsha qarjy qarastyrylmaitynyn, qarajat tek JSQ-ǵa engizilgen soma sheginde bólinetinin basa aitty. Premer-ministr merdigerlik uiymnan jaqyn arada jumystardy aiaqtaýdy talap etti, oryndalmaǵan jaǵdaida shart buzylatynyn jetkizdi.
Sondai-aq 537 úleskerdiń, onyń ishinde «Siren baǵy» turǵyn úi kesheniniń kópjyldyq máselesin sheshý týraly baiandaldy. Jańa merdiger qala kúnine orai 106 turǵynǵa baspana kilti tabystalady dep ýáde berip otyr, taǵy 209 otbasy jaqyn arada kópten kútken jańa úilerine qonystanady. Óz kezeginde, ónerkásip jáne qurylys ministri Qanat Sharlapaev tiisti zańnamany jetildirý boiynsha júrgizilip jatqan jumystar týraly habarlady.
