Uiǵyr aýdanynyń jastary daýys berýge shyǵarmashylyq turǵyda qarap, azamattyq belsendilik tanytty, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Shonjy aýylyndaǵy alańǵa bes ul men bes qyz ulttyq kiimmen kelip, merekelik kóńil-kúi syilady. Olardyń kiim tańdaýynyń ózindik syry bar.
Osylaisha jastar Qazaqstan halqynyń birligi men alýan túrliligin, árbir azamattyń el ómirine qatysýynyń mańyzdylyǵyn kórsetkisi keldi.
Olardyń aitýynsha, ulttyq kiimder elimizdiń bai tarihy men mádenietin beineleidi. Jastardyń jalt-ult etken qyzyldy-jasyldy kiimde kelýi naǵyz merekelik kóńil-kúidi týdyrdy. Ainalasyndaǵylar olardy jyly shyraimen qarsy aldy.
Jastardyń basty maqsaty – ózgelerdi el ómirine aralasýǵa tartyp, árbir daýystyń mańyzdy ekenin kórsetý boldy. Jarqyn kiim men jaqsy áser daýys berý úshin kelgenderdiń barlyǵyna umytylmas sát syilady.
