ۇيعىر اۋدانىنىڭ جاستارى داۋىس بەرۋگە شىعارماشىلىق تۇرعىدا قاراپ، ازاماتتىق بەلسەندىلىك تانىتتى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
شونجى اۋىلىنداعى الاڭعا بەس ۇل مەن بەس قىز ۇلتتىق كيىممەن كەلىپ، مەرەكەلىك كوڭىل-كۇي سىيلادى. ولاردىڭ كيىم تاڭداۋىنىڭ وزىندىك سىرى بار.
وسىلايشا جاستار قازاقستان حالقىنىڭ بىرلىگى مەن الۋان تۇرلىلىگىن، ءاربىر ازاماتتىڭ ەل ومىرىنە قاتىسۋىنىڭ ماڭىزدىلىعىن كورسەتكىسى كەلدى.
ولاردىڭ ايتۋىنشا، ۇلتتىق كيىمدەر ەلىمىزدىڭ باي تاريحى مەن مادەنيەتىن بەينەلەيدى. جاستاردىڭ جالت-ۇلت ەتكەن قىزىلدى-جاسىلدى كيىمدە كەلۋى ناعىز مەرەكەلىك كوڭىل-كۇيدى تۋدىردى. اينالاسىنداعىلار ولاردى جىلى شىرايمەن قارسى الدى.
جاستاردىڭ باستى ماقساتى – وزگەلەردى ەل ومىرىنە ارالاسۋعا تارتىپ، ءاربىر داۋىستىڭ ماڭىزدى ەكەنىن كورسەتۋ بولدى. جارقىن كيىم مەن جاقسى اسەر داۋىس بەرۋ ءۇشىن كەلگەندەردىڭ بارلىعىنا ۇمىتىلماس ءسات سىيلادى.
