Atyraýda tórt adamdy óltirdi dep aiyptalǵan Sultan Sársemálievke qatysty sot protsesi jalǵasyp jatyr. 12 maýsymdaǵy otyrysta tergeý kezinde túsirilgen beinejazbalar qaita kórsetildi, dep habarlaidy dalanews.kz.
Jergilikti ATPress saitynyń málimetinshe, sotta kórsetilgen videoda Sársemáliev qylmystan keiin iz jasyrý joldaryn aldyn ala oilastyrǵanyn aitqan.
Aiyptalýshynyń sózinshe, ol ata-enesine qatysty qylmys jasaýdy sheshkennen keiin olardyń joǵalǵanyn birden bildirmeý úshin túrli turmystyq máselelerdi de esepke alǵan. Atap aitqanda, alǵashqy ailarda kommýnaldyq tólemderdi tólep otyrýdy oilastyrǵanyn jetkizgen.
Sotta kórsetilgen beinejazbada Sársemáliev: "Men maniak emespin, birden óltire salatyn. Bárin oilastyrdym", – dep aitqan.
Qazirgi ýaqytta atyshýly is boiynsha sot otyrystary jalǵasyp jatyr.
