Almatyda 10 maýsym kúni qazaqstandyq Allur avtomobil kompaniiasynyń jetekshiligimen MG brendi erekshe formattaǵy test-draiv uiymdastyrdy, dep habarlaidy dalanews.kz.
Avtokvest, ekstremaldy synaqtar, drift elementteri jáne MG RX9 flagmandyq krossoveriniń tikushaqpen jetkizilýi sharanyń basty ereksheligine ainaldy.
Is-sharaǵa 80-ge jýyq BAQ ókili, blogerler men media tulǵalar qatysty. Qonaqtarǵa MG markasynyń Qazaqstan naryǵyndaǵy modeldik qatary tanystyryldy.
Test-draiv MG dilerlik ortalyǵynda bastaldy. Qatysýshylar MG 5, MG ZS jáne MG HS modelderimen tanysyp, negizgi alańǵa bara jatqan jolda brend tarihy men tehnologiialaryna arnalǵan interaktivti viktorinaǵa qatysty.
Jol boiynda ár model óz múmkindigin kórsetti. MG 5 qalalyq qozǵalystaǵy yńǵailylyǵymen, jeńil basqarylýymen jáne jaily júrisimen erekshelendi. MG ZS ámbebaptyǵy men manevr jasaý qabiletin kórsetse, MG HS joǵary deńgeidegi dybys oqshaýlaýy men jailylyǵymen nazar aýdardy.
Is-sharanyń basty sáti «Sokol» sporttyq-tehnikalyq kesheninde ótti. Avtokólikter kolonnasy alańǵa jetken kezde aspanda tikushaq paida bolyp, onyń kómegimen MG RX9 flagmandyq krossoveri jetkizildi.
Jeti oryndyq krossoverdiń erekshe tanystyrylymy qonaqtardyń qyzyǵýshylyǵyn týdyryp, sharanyń eń áserli sátteriniń birine ainaldy.
Odan keiin test-draiv ekstremaldy rejimde jalǵasty. Drift alańynda qatysýshylar kólikterdiń joǵary jyldamdyqtaǵy turaqtylyǵyn, basqarylýyn jáne aspa júiesiniń jumysyn baǵalady. Kúrdeli manevrler men baqylanatyn syrǵanaýlar kezinde de modelder senimdiligin kórsetti.
Qatysýshylardyń erekshe nazaryn MG RX9 aýdardy. Úlken ólshemdi krossover qýaty men jailylyǵynan bólek, joǵary basqarylý qasietterin de pash etti. Avtokólik kúrdeli ýchaskelerden senimdi ótip, kúrt manevrler kezinde de turaqtylyǵyn saqtady.
Synaqtyń sońǵy kezeńi jolsyz jerdegi múmkindikterdi tekserýge arnaldy. Bul jerde MG krossoverleri aspa júiesiniń tiimdiligin, ótimdiligin jáne ártúrli bederlerden senimdi óte alatynyn kórsetti.
Uiymdastyrýshylardyń aitýynsha, sharanyń maqsaty tek kólikterdi tanystyrý emes, qatysýshylarǵa brendtiń múmkindikterin erekshe formatta kórsetý boldy. Tehnologiia, interaktiv jáne draiv elementteri úilesken bul is-shara maýsymdaǵy eń jarqyn avtomobildik oqiǵalardyń biri retinde baǵalandy.
